Japonııada qatty nóser saldarynan júz myńdaǵan adam evakýatsııalanyp jatyr

NUR-SULTAN. QazAqparat – Kıýsıý aralyndaǵy qatty nóserge baılanysty Nagasakı qalasy men Japonııanyń ońtústik-batysyndaǵy basqa da eldi mekenderdiń júz myńdaǵan turǵyny sý tasqyny men kóshkin qaýpinen evakýatsııalanyp jatyr, dep habarlaıdy QazAqparat Reuters-ke silteme jasap.

Bılik Kıýsıý aralynyń keıbir ortalyq bólikterinde eń qaýipti besinshi deńgeıdegi evakýatsııalaý týraly buıryq shyǵaryp, turǵyndardy óz ómirlerin qorǵaý boıynsha shuǵyl sharalarǵa júginýge shaqyrdy.

Jergilikti bılik ókilderiniń habarlaýynsha, Nagomı qalasynda ózen arnasynan asqan. Bılik 3 839 úı sharýashylyǵyn evakýatsııalanýǵa shaqyrdy.

Qazirgi kezde tolassyz jaýǵan nóser jańbyr Kıýsıý aralynyń batysyna qaraı jyljyp barady.