Japonııada qalyń qar jaýyp, 17 adam kóz jumdy

ASTANA. QazAqparat - Japonııada qalyń qar jaýyp, saldarynan keminde 17 adam kóz jumdy, dep habarlaıdy QazAqparat euronews.com saıtyna silteme jasap.

Qaza tapqandardyń kóbi qar tazalaý kezinde shatyrdan qulap nemese qalyń qardyń astyna kómilgen, dep habarlady tabıǵı apatpen kúres qyzmetteriniń ókilderi.

Japonııanyń soltústik-shyǵysyndaǵy kóptegen aýdandarda jaýyn-shashyn maýsymdyq normadan ortasha eseppen alǵanda úsh ese kóp jaýǵan. Hokkaıdo aralynda elektr baǵanasy qulap, saldarynan 20 myńǵa jýyq úı jaryqsyz qaldy. Sonymen qatar eldiń soltústiginde ondaǵan poıyzdar men reıster keıinge qaldyrylǵan.

Foto: Kyodo