Japonııada emhanadaǵy 24 adamnyń ómirin qıǵan órt qasaqana jasalǵan
Tergeý barysynda beınebaqylaý kameralarynan kanıstri bar er adamnyń velosıpedpen ketip bara jatqan vıdeojazbasy tabylǵan. Sonymen qatar, Osaka qalasynyń ortalyǵyna jaqyn ornalasqan Nısıedogava aýdanyndaǵy janarmaı quıý beketi kúdiktiniń jeke basyn kýálandyratyn qujatty kórsetip, olardan shynymen janarmaı satyp alǵanyn rastady.
Órt 17 jeltoqsanda qalanyń bas temirjol vokzalynyń janyndaǵy adam kóp júretin oramdaǵy keńse ǵımarattarynyń biriniń tórtinshi qabatynda boldy. Emhana sol jerde ornalasqan, ol turǵan ǵımarat tolyǵymen janyp ketti. Qolda bar aqparatqa sáıkes, órt oshaǵy lıft pen kireberis esiktiń janynda bolǵan, sonyń saldarynan ishindegi adamdar shyǵa almady.
Sońǵy málimetter boıynsha, órt saldarynan kem degende 24 adam qaza tapty, taǵy tórt adam, onyń ishinde órt qoıýǵa kúdikti 60 jastaǵy er adam jaraqat alyp, aýrýhanada jatyr.
2019 jyly Kyoto Animation anımatsııalyq kompanııasynyń stýdııasyn órtegen adam da janarmaı quıý beketinen janarmaı satyp alǵan. Osydan keıin Japonııada zańnama qataıtyldy, endi jeke basyn kýálandyratyn qujattardy kórsetkennen keıin ǵana kanıstrmen benzın satyp alýǵa bolady.