Japonııada dárigerdiń úıinen er adamnyń basy tabyldy
Bas dúısenbi kúni 62 jastaǵy dáriger Osama Tamýra men onyń 29 jastaǵy qyzy Rýnanyń Hokkaıdo araly, Sapporodaǵy úıin tintý kezinde tabylǵan. Dárigerdiń 60 jastaǵy áıeli de seısenbi kúni osy bap boıynsha tutqyndaldy, dep habarlady jergilikti polıtsııa.
Polıtsııa Rýna Tamýra, onyń psıhıatr ákesi men 2 shildede qonaqúı nómiriniń jýynatyn bólmesinde jalańash jáne basy kesilgen kúıi tabylǵan 62 jastaǵy Hıtoshı Ýra arasyndaǵy qarym-qatynasty tergep jatyr. Tergeýshiler basty soıýdy josparlap otyrǵanyn málimdedi. Buǵan deıin deneni soıý kezinde ólimine gemmorragııalyq shok sebep bolǵany anyqtalǵan. Polıtsııa qyz bárin ózi istedi dep boljap otyr, sebebi sol túni qonaqúı nómirine basqa eshkim kirmegen.
Sapporo aýrýhanasynyń psıhıatry Osama qyzyn aparyp-ákelip tastaǵan dep aıyptalyp otyr. Ýra men taǵy bir adam, boljam boıynsha Rýna, Sapporo qonaqúıinde 1 shilde kúni jergilikti ýaqytpen 22:50-de tirkelgen. Kelesi kúni túngi 2-de nómirden jalǵyz adam ǵana shyqqan.
Ýranyń qasyndaǵy adamnyń boıy qysqa, qonaqúı nómirine kirgen kezde keń jıekti qalpaq pen ashyq tústi kıim kıgen. Túngi 2-de adam qara tústi kıimmen shyqqan, dep habarlady tergeý organdaryndaǵy derekkóz. Qonaqúıden shyqpaǵannan keıin kúdiktengen qonaqúı qyzmetkeri Ýranyń máıitin 2 shilde kúni tekserýge barǵanda anyqtaǵan. Kameradaǵy kadrlardan túngi 2-den 15.00-ge deıin qonaqúı nómirine eshkim kirip-shyqpaǵany kórinip tur. Polıtsııa áli Ýranyń zattaryn – kıimin, telefony men jeke kýáligin tabýy kerek.
