Japonııada belgisiz bireý poıyz jolaýshylaryn pyshaqtaǵan, 4 adam es-tússiz halde

TOKIO. QazAqparat – Tokıoda juma kúni er adam poıyz jolaýshylaryna pyshaqpen shabýyl jasap, keıin belgisiz baǵytqa qashyp ketken, dep habarlaıdy QazAqparat NHK telearnasyna silteme jasap.

Telearnanyń málimetinshe, oqıǵa el astanasyndaǵy Setagaıa aýdanyndaǵy «Odakıý» temirjol tarmaǵynda bolǵan. Kýágerlerdiń aıtýynsha, poıyz jolaýshylarynyń biri kenetten pyshaq alyp shyǵyp kóringenge silteı bastaǵan, artynsha aıaldamalardyń birinde júgirgen kúıi poıyzdan shyǵyp ketken.

Aldyn ala málimetter boıynsha, oqıǵa saldarynan tórt adam zardap shekken, olar es-tússiz halde.

Qazirgi ýaqytta polıtsııa er adamdy izdestirýde.