Japonııada 84 jastaǵy áıel kólikpen ǵımarattyń áınek qabyrǵasyn qıratyp ótti

TOKIO. QazAqparat – Japonııanyń shyǵysyndaǵy Matsýdo qalasynda jeńil avtokólik jergilikti klınıka ǵımaratyn soǵyp, áınek qabyrǵany qıratyp ótti. Jol-kólik oqıǵasy saldarynan kem degende eki adam jaraqat aldy. Bul týraly QazAqparat NHK telearnasyna silteme jasap habarlaıdy.

45 jastaǵy klınıka naýqasy men avtokólikti basqarǵan 84 jastaǵy áıel jaraqat aldy. Zardap shekkender aýrýhanaǵa jetkizildi. Polıtsııa qyzmetkerleri bolǵan oqıǵanyń mán-jaıyn anyqtaý úshin tergeýdi bastady.

Sońǵy jyldary Japonııada egde jastaǵylardyń qatysýymen bolǵan jol apaty jıilep ketti. Osyǵan baılanysty jergilikti polıtsııa egde jastaǵy adamdardy senimsizdik bolǵan jaǵdaıda kólik júrgizý quqyǵynan óz betinshe bas tartýyn suraıdy.