Japonııada 5,1 baldyq jer silkinisi boldy
ASTANA. KAZINFORM – Tokıonyń soltústik-shyǵysynda 5,1 baldyq jer silkinisi tirkeldi. Tsýnamı týraly eskertý jarııalanǵan joq. Bul týraly Kyodo News jazdy.
Jer silkinisi túngi saǵat 00:50-de Ibarakı prefektýrasynda tirkeldi. Japon meteorologııalyq basqarmasynyń málimeti boıynsha, ol Hıtachı qalasynda Japonııanyń 7 baldyq seısmıkalyq oqıǵa qarqyndylyǵy shkalasy boıynsha 5-ten tómen jáne jaqyn mańdaǵy Takahagıde 4-ten tómen boldy.
Jergilikti polıtsııanyń habarlaýynsha, prefektýrada zardap shekkender týraly aqparat joq.
– Jer silkinisi «Tokaı-2» atom elektr stantsııasyna áser etken joq, - dep habarlady stantsııa operatory.
Buǵan deıin Japonııa jaǵalaýynda magnıtýdasy 5,2 bolatyn jer silkinisi bolǵany habarlanǵan, onyń oshaǵy 122 myńǵa jýyq adam turatyn Kısarazý qalasynan ońtústik-shyǵysqa qaraı 396 shaqyrym jerde ornalasqan.
