Japonııada 20 jylda alǵash ret qylmys sany birden ósken
Japonııa polıtsııasy muny elde 2022 jyly koronavırýsqa baılanysty shekteýler álsiregennen keıin kóshedegi qylmys sanynyń ósýimen túsindirip otyr. Jalpy, ótken jyly Japonııada 601 389 qylmys jasalǵan, bul 2021 jylǵydan 5,9 protsentke kóp. Ulttyq polıtsııa agenttigi ótken jyldyń qazanynda júrgizgen onlaın saýalnamada respondentterdiń 67,1 protsenti Japonııada sońǵy on jylda turǵyndardyń qaýipsizdik deńgeıi tómendedi dep esepteıdi.
Buǵan burynǵy premer-mınıstr Sındzo Abenyń shildedegi ólimi yqpal etýi múmkin. Saýalnamaǵa 15 jas jáne odan úlken jastaǵy 5 000 respondent qatysty. Kyodo sońǵy jyldary poıyzdar men vokzaldarda birneshe shabýyl bolǵanyn eske salady. 2021 jyly Helloýın túninde Tokıoda poıyzda adamdarǵa pyshaqpen shabýyldaǵan bolatyn. Sonyń saldarynan 17 adam jaraqat aldy. Japonııa polıtsııasy eseptik jyly qatygezdikke kúdikti kámeletke tolmaǵandardyń qatysýymen 115 730 qylmys tirkegen, al úıdegi zorlyq-zombylyq 84 493 jaǵdaıǵa jetken. Kóshedegi qylmys sany da edáýir ósken.
Ótken jylmen salystyrǵanda bıyl velosıped urlaý 201 619 jaǵdaıǵa jetip, 14,4 protsentke ósken. Asa aýyr qylmys sany, sonyń ishinde adam óltirý 8,1 protsentke artyp, 9 536 jaǵdaıǵa jetti.
Foto: Kyodo