Japonııa úkimeti otstavkaǵa ketti
ASTANA. KAZINFORM — Isıbanyń mınıstrler kabıneti bıliktegi 386 kúnnen keıin qyzmetinen ketti, dep habarlaıdy Sınhýa.
Japonııa premer-mınıstri Sıgerý Isıba seısenbi kúni kabınetimen otstavkaǵa ketti. Bul bir jyldan astam ýaqyt buryn bılikke kelgen ákimshilik qyzmetiniń aıaqtalǵanyn bildiredi.
Kezekten tys kabınet otyrysynda birqatar mınıstr otstavkaǵa ketý týraly ótinish berdi, artynsha S. Isıba kabıneti resmı túrde otstavkaǵa ketti.
Saılaý bastapqyda 2027 jylǵa josparlanǵan bolatyn, biraq Isıba lıberaldy-demokratııalyq partııa músheleri tarapynan jasalǵan qysym saldarynan otstavkaǵa ketý nıetin jarııalaǵannan keıin saılaý merzimi ózgertildi.
Isıba 20 shildede ótken saılaý nátıjesi úshin jaýapkershilikti óz moınyna alatynyn málimdedi. Onda LDP men Komeıto koalıtsııasy parlamenttiń joǵary palatasyndaǵy kópshilik oryndy joǵaltqan edi.
Sıgerý Isıba úkimetti ótken jyldyń qazan aıynda basqarýǵa kiristi.
Japonııanyń burynǵy ekonomıkalyq qaýipsizdik mınıstri Sanae Takaıtı bıleýshi Lıberaldy-demokratııalyq partııasynyń jańa tóraıymy bolyp saılandy.