Japonııa úkimeti tolyq quramda otstavkaǵa ketti
Agenttiktiń dereginshe, qyrkúıek aıynyń basynda shtat basshysy Ioshıhıde Sýga partııa basshysy laýazymyna ózin usynbaıtynyn málimdegen, bul shyn máninde onyń premer -mınıstr qyzmetinen ketýin bildirdi. 2012-2017 jyldary Sındzo Abe úkimetinde syrtqy ister mınıstri bolǵan Fýmıo Kıshıda ótken sársenbide partııalyq saılaýda jeńiske jetti.
Dúısenbi, 4 qazanda Japonııa parlamentiniń eki palatasy da premer -mınıstrdiń kandıdatýrasyna daýys beredi, sodan keıin ol óz mınıstrler kabınetin taǵaıyndaıdy. Premer -mınıstr partııalar usynǵan kandıdattardyń kópshilik daýysymen saılanady. Ádette, bul partııalardyń kóshbasshylary. Osylaısha, parlamenttegi kóp orynǵa ıe partııanyń basshysy premer –mınıstr bolady. ıAǵnı saılaýda jeńiske jetken Lıberal -demokratııalyq partııasynyń kóshbasshysy Fýmıo Kıshıda Japonııanyń 100 -shi premer –mınıstri atanady.
Ol dúısenbide resmı túrde mınıstrler kabınetin qurýǵa nıetti. Mınıstrlikke kandıdattardy irikteý demalys kúnderi aıaqtaldy. Hırokazý Matsýno úkimettiń bas hatshysy bolmaq. Burynǵy úkimetten úsh adam jańa kabınetke aýysady: syrtqy ister mınıstri Toshımıtsý Motegı men qorǵanys mınıstri Nobýo Kıshı óz qyzmetterin saqtap qalady, al ǵylym jáne bilim mınıstrligin basqarǵan Koıchı Hagıýda ekonomıka, saýda jáne ónerkásip mınıstrligin basqarady.