Japonııa tarıhynda alǵash ret áıel admıral atandy
Japonııanyń Qorǵanys mınıstrligi el tarıhynda alǵash ret áıelge joǵary admıral ataǵyn berý jóninde sheshim qabyldady. Bul týraly mınıstrliktiń baspasóz qyzmeti málimdedi, dep habarlaıdy Kazinform TASS agenttigine silteme jasap.
Buryn vıtse-admıral shenimen aǵa áskerı-teńiz kúshteriniń komandalyq quramyn daıyndaý mektebin basqarǵan 57 jastaǵy Natsýe Kondo joǵary admıral atandy. Qazir ol Japon jaǵalaýyndaǵy qorǵanys kúshteriniń qolbasshysy qyzmetin atqarady.
Eldegi qurlyq pen áýe kúshterinde de áıelder generaldyq dárejesiniń joǵary deńgeıine kóterilgen emes.
Qazirgi ýaqytta Japonııanyń Qorǵanys mınıstrligi qarýly kúshterdegi qolbasshylyq laýazymdardaǵy áıelderdiń sanyn arttyrý baǵdarlamasyn júzege asyryp jatyr. 2025 jylǵa qaraı olar maıor jáne odan joǵary shendegi ofıtserler men generaldardyń keminde 5 paıyzyn quraýy tıis.
2018 jyldyń naýryz aıynda Birinshi dárejeli kapıtan Reko Adzýma tórt áskerı keme, sonyń ishinde Japonııanyń eń iri tikushaq tasymaldaýshysy Idzýmo tobyna qolbasshylyq etken tarıhtaǵy alǵashqy áıel boldy. Qazirgi ýaqytta keme qysqa ushýy jáne vertıkal qonýy bar F-35B joıǵysh-bombalaýshy ushaqtaryn tasymaldaıtyn jeńil ushaq tasyǵyshqa aınaldyrylyp jatyr.