Japonııa Qytaıdy japon teńiz ónimderi ımportyna salynǵan tyıymdy alyp tastaýǵa shaqyrdy

JAKARTA. QazAqparat – Japonııa premer-mınıstri Fýmıo Kısıda men Qytaı Halyq Respýblıkasy Memlekettik keńesiniń premeri Lı Tsıansársenbi kúni Djakartada ótip jatqan Ońtústik-Shyǵys Azııa elderi qaýymdastyǵynyń (ASEAN) sammıti aıasynda qysqasha sóılesti, dep habarlaıdy QazAqparat Kyodo aqparat agenttigine silteme jasap.

Japonııa premer-mınıstri Fýkýsıma atom elektr stantsııasynan tazartylǵan radıoaktıvti sýdyń aǵýyna baılanysty shıelenis kúsheıip jatqan kezde Qytaı bıligin japon teńiz ónimderiniń ımportyna salynǵan tyıymdy alyp tastaýǵa shaqyrdy, dep habarlady japon úkimetinen.
Japonııa Syrtqy ister mınıstrliginiń habarlaýynsha, Kısıda óz eliniń pozıtsııasyn túsindirip, Japonııa men Qytaı «konstrýktıvti jáne turaqty» qarym-qatynas ornatýy qajet ekenin qosty.
Qytaı Fýkýsımadan sýdyń aǵyp ketýine baılanysty Japonııadan teńiz ónimderin ımporttaýǵa tyıym salyp, ony «ıadrolyq qarýmen lastanǵan» dep atady. Japonııa muhıtqa sýdy ótken aıdyń sońynda aǵyza bastady.
Kezdesýden keıin Qytaı, Japonııa jáne Ońtústik Koreıa ASEAN+3 sammıtine qatysty.
Jıynda Lı Japonııanyń bul máselege jaýapkershilikpen qaraýy tıis ekenin aıtyp, ony halyqaralyq mindettemelerin oryndaýǵa jáne kórshi eldermen jáne tıisti múddeli taraptarmen keńesýge shaqyrdy.