Japonııa qonaqúıindegi bassyz tulyp: Dáriger kesilgen basty vıdeoǵa túsirip alǵan

SAPPORO. QazAqparat – Japonııa polıtsııasy ótken aıda Sapporodaǵy qonaqúıde basy kesilgen máıit tabylǵannan keıin tutqyndalǵan otbasynyń úıinen er adamnyń basy túsirilgen vıdeojazbany tapty, dep habarlaıdy QazAqparat Kyodo agenttigine silteme jasap.

Vıdeojazbada qolǵap kıgen áldekimniń qolynyń kesilgen basty ustaǵany kórsetilgen.

Vıdeo shilde aıynyń basynda er adamnyń máıitin zaqymdady degen kúdikpen qamaýǵa alynǵan 59 jastaǵy psıhıatr Osamý Tamýra men onyń 29 jastaǵy qyzy Rýnanyń úıindegi vanna bólmesinde túsirilgen.

Tamýranyń áıeli Hıroko da qamaýǵa alyndy.

Polıtsııa vıdeony olardyń úıin tintý kezinde tapqan.

Er adamnyń basy Sapporodaǵy Sýsýkıno oıyn-saýyq aýdanyndaǵy qonaqúıde kesilgen degen boljam jasaldy.

Jábirlenýshi - 62 jastaǵy Hıtoshı Ýra osy jyldyń 1 shildesinde keshki saǵat 22:50 shamasynda qonaqúıge kirgen.

Polıtsııanyń paıymynsha, ony sol kúni keshkisin qonaqúıge psıhıatrdyń qyzy Rýna Tamýra ertip barǵan.

Kelesi kúni túngi saǵat 2 shamasynda jábirlenýshi jatqan qonaqúı bólmesinen bir adam chemodanmen shyǵyp ketken.

Buǵan deıin Japonııada qonaqúıden basy joq máıit tabylǵanyn habarlaǵan bolatynbyz.

Artynsha Sapporo qalasyndaǵy qonaqúılerdiń birinde er adamnyń basyn kesip tastady degen kúdikpen jergilikti dáriger men onyń qyzy, áıeli qamaýǵa alyndy.

Keıin dárigerdiń úıinen er adamnyń basy tabyldy.