Japonııa ımmıgratsııalyq saıasatty qaıta qarastyrmaq

ASTANA. KAZINFORM – Immıgratsııalyq saıasatty qaıta qaraý ony qatańdatýǵa jáne elge uzaq merzimdi kezeńge keletin sheteldikter sanyn shekteýge ákelýi múmkin, dep habarlaıdy TASS.

Asahi gazetiniń habarlaýynsha, ımmıgratsııalyq bıýroǵa jaýapty Ádilet mınıstrligi bul máseleni talqylaıtyn arnaıy sarapshylar tobyn jınaıdy.

Atap ótilgendeı, úkimet Japonııada turatyn sheteldikter sanynyń ósýiniń japon qoǵamynyń ózine, sonyń ishinde áleýmettik qamsyzdandyrýǵa, jalaqy deńgeıine jáne qoǵamdyq qaýipsizdikke áserin baǵalaýǵa nıetti. 

Qazirgi ýaqytta Japonııada uzaq merzimdi negizde turatyn shetel azamattarynyń sany eldiń jalpy halqynyń 2,9% qurap otyr. Japon bıliginiń baǵalaýynsha, 2070 jylǵa qaraı bul kórsetkish 10%-ǵa jetip, damyǵan Batys elderimen birdeı deńgeıge túsedi. Alaıda Japonııa munyń áldeqaıda erterek bolýy múmkin ekenin joqqa shyǵarmaıdy. Qoǵamda shıelenis kúsheıgen jaǵdaıda sheteldikterdiń áleýmettik ıntegratsııasy úshin arnaıy baǵdarlama jasaý, tipti elge keletin sheteldikter sanyna shekteý engizý múmkindigi qarastyrylýy múmkin ekeni atap ótildi.

Sheteldikterdiń narazylyǵy taqyryby 20 shildede ótken Japonııa parlamentiniń joǵarǵy palatasyna saılaý naýqany kezinde eń qyzý taqyryptardyń biri boldy. Tıisti rıtorıkany negizinen «Japondar – bárinen joǵary» uranymen úgit-nasıhat júrgizgen oppozıtsııalyq saıası qatysý partııasy alǵa tartty.

Basqa partııalar, sonyń ishinde Japon Kommýnıstik partııasy (JKP) partııany násilshildik pen ksenofobııa úshin birneshe ret aıyptady, alaıda partııa basshylyǵy onyń sheteldikterge qarsy emes ekenin aıtyp, mundaı aıyptaýdy joqqa shyǵaryp otyr.

Japon premer-mınıstri Sıgerý Isıba úkimet aıasynda elde turyp jatqan sheteldikter isteri jónindegi arnaıy top qurý sheshimin qabyldady. 

Buǵan deıin 2026 jyly «Almaty-Tokıo» tikeleı áýe reısi ashylatynyn jazǵan bolatynbyz.

Kazinform úshin arnaıy TASS seriktes agenttigi usynǵan.