Japonııa halqy Sındzo Abeniń jerleý rásimin memlekettik deńgeıde ótkizýge qarsy

TOKIO. QazAqparat – Japonııa halqynyń kóbi burynǵy premer-mınıstr Sındzo Abeniń jerleý rásimin memlekettik deńgeıde ótkizýge qarsy. Bul tujyrym atalǵan eldiń Kyodo bas aqparat agenttigi júgizgen saýalnama nátıjesinde jasalǵan, dep habarlaıdy QazAqparat tilshisi TASS agenttigine silteme jasap.

Saýalnama qorytyndysyna sáıkes, turǵyndardyń 53,3 paıyzy Sındzo Abeniń jerleý rásimin memlekettik deńgeıde ótkizýge qarsy. Al, 45,1 paıyzy buǵan qoldaý kórsetken. Taǵy 61,9 paıyz halyq bul másele boıynsha Parlamentte arnaıy tyńdaý ótkizý qajet degen pikir bildirgen.

Eske salaıyq, 27 qyrkúıekte Japonııa úkimeti burynǵy premer-mınıstrdiń jerleý rásimin memlekettik dárejede ótkizý týraly sheshim qabyldady. Oǵan kóptegen sheteldik delegatsııalar, memleket basshylary keledi dep josparlanǵan. Jerleý rásimi Tokıodaǵy ımperator saraıynyń janyndaǵy Býdokan arenasynda ótedi.

Al, 12 shildede Tokıodaǵy Dzodzedjı ǵıbadathanasynda otbasy músheleri, jaqyn dostary men seriktesteri úshin býdda dástúrimen jerleý rásimi ótken edi.

Aıta keteıik, 8 shildede Japonııanyń burynǵy premer-mınıstri Sındzo Abege qastandyq jasalyp, saldarynan saıasatker kóz jumdy .

Foto: Yoshio Tsunoda/Global Look Press