Japonııa BUU Qaýipsizdik keńesi músheleriniń sanyn arttyrýǵa shaqyrdy

ASTANA. QazAqparat – BUU Qaýipsizdik keńesiniń turaqty jáne ýaqytsha músheler sanyn arttyrý álemdegi ahýaldy jaqsy kórsetýge múmkindik beredi. Bul týraly Japonııa syrtqy ister mınıstri Esımasa Haıası AQSh-taǵy BUU otyrysynda aıtty, dep habarlaıdy QazAqparat Anadoly agenttigine silteme jasap.

Japonııa SІM basshysy zań ústemdigi men quqyqtyq tártipti saqtaýdyń mańyzyn atap ótti.

«Halyqaralyq beıbitshilik pen qaýipsizdikti saqtaýǵa halyqaralyq quqyqty qurmettemeı qol jetkizý múmkin emes», - dep atap ótti Haıası.

«Quqyq ústemdigi tóńireginde taǵy bir ret birigeıik. «Zańnyń ústemdigi» biz úshin túıindi sóz bolýy kerek», - dep atap ótti mınıstr.

Onyń aıtýynsha, BUU fýnktsıonaldyǵyn «kópjaqtylyq pen quqyq ústemdiginiń tiregi» retinde damytý óte mańyzdy.