Japonııa aıýlarmen qalaı kúresip jatyr

ASTANA. KAZINFORM — Japonııada aıýlardyń shabýyly buryn-sońdy bolmaǵan deńgeıge jetti. Gıfý prefektýrasynyń sheneýnikteri erekshe qorǵanysqa júgindi, dep habarlaıdy ANEWZ.

Olar aıýlardy úrkitý úshin ıt sııaqty úretin kishkentaı drondardy ushyra bastady. 

Drondar kúnde tańerteń Kýrýchı jemis-jıdek saıabaǵynda ushady. Kózi, úni jáne otshashýy bar ashyq qyzǵylt qurylǵy aıýlardy qorqytý úshin aǵashtardyń ústimen ushyp, ıt sekildi úredi. 

Japonııa sheneýnikteriniń aıtýynsha, bıylǵy kúzde Hıdadaǵy aıýlardyń sany ótken jylmen salystyrǵanda 8 ese ósken. 

— Bizge dereý júzege asyp, nátıje beretin áreket qajet boldy. Aıýlardy úrkitý úshin ıtter qajet dep oılap, keıin dron ushyrýdy jón kórdik, — deıdi Gıfý prefektýrasynyń qorshaǵan ortany qorǵaý departamentiniń qyzmetkeri Naofýmı Iosıkava.

Orchard kooperatıviniń basshysy Masahıko Amakı qaýip áli de bar ekenin aıtady.

Eske salaıyq, aıýlarmen kúreste Japonııa áskeri de qalys qalmady.