Japonııa astanasyna «Mearı» taıfýny soǵýy múmkin

BEIJІŃ. QazAqparat - «Mearı» taıfýny Japonııanyń Tokıoǵa jaqyn mańdaǵy Tynyq muhıtyna jaǵalaýyna soǵýy yqtımal. Bul týraly ulttyq meteorologııalyq agenttiginen málim boldy, dep habarlaıdy QazAqparat Kyodonews agenttigine silteme jasap.

Ulttyq meteorologııalyq basqarma málimetteri boıynsha, «Mearı» taıfýny saldarynan Japonııanyń ortalyq aýdandaryna 300 ml jaýyn jaýýy múmkin. Sonyń saldarynan kóshkin júrip, sý tasqyny bolýy yqtımal.

Sınoptıkterdiń málimetinshe, taıfýn Japonııa jaǵalaýlaryna jaqyndaǵan saıyn jyldamdyǵy sekýndyna 30 metr bolatyn kúshti jel turyp, sonyń saldarynan teńiz tolqýy múmkin.

Taıfýn saǵatyna 15 km jyldamdyqpen jyljyp keledi, onyń epıtsentrindegi jyldamdyq sekýndyna 25-metrdi quraıdy.

Jaısyz meteorologııalyq jaǵdaıǵa baılanysty eldiń eń iri júk tasymaldaýshylarynyń biri taıfýn ótýi yqtımal aımaqtan keminde 10 reısti toqtatqan. Sondaı-aq parom jumysy toqtatylyp, temirjol kólikteriniń jumys kestesinde ózgeris bolyp, keıbiri kidirýi múmkin.