Japonııa álemdegi alǵashqy avtonomdy jolaýshylar paromyn iske qosty
ASTANA. KAZINFORM — Japonııanyń batysyndaǵy Okaıama men Sedosıma araly arasynda jumys isteıtin jolaýshylar paromy avtonomdy navıgatsııa tehnologııasyn paıdalana bastady, dep habarlaıdy Kyodo.
Keme ındýstrııasy uıymy Nippon Foundation málimeti boıynsha, Olympia Dream Seto kemesi úkimet maquldaýyn alǵannan keıin beısenbiden bastap jartylaı avtonomdy rejımde jumys isteı bastaıdy.
Qordyń atqarýshy dırektory bul bastama Japonııadaǵy jumys kúshi jetispeýshiliginiń «bir sheshimi» bola alatynyn jáne shalǵaı araldarǵa tasymaldaý qıyndyǵyn jeńildetetinin málimdedi.
Parom alda kele jatqan kemeni anyqtap, baǵytyn óz betinshe ózgertý múmkindigin kórsetti.
Bul bastama Nippon Foundation jáne basqa 50-den astam kompanııa qatysatyn pılotsyz kemelerdi kommertsııalandyrý boıynsha iri jobanyń bóligi. Eger iske asyrylsa, ol logıstıkany turaqtandyrýǵa jáne teńiz apattarynyń sanyn azaıtýǵa kómektesedi.
2026 jyldyń sáýirine deıin konteınerlik kemeni qosa alǵanda, taǵy úsh kemeni kommertsııalyq maqsatta paıdalaný josparlanǵan.
Buǵan deıin qytaılyq kompanııa avtonomdy ushatyn taksıdi iske qosqan bolatyn.