Japonııa adamdar aǵzasyn transplantatsııalaý úshin shoshqalardy paıdalanbaq

ASTANA. KAZINFORM – Japondyq startap Osaka prefektýrasynda adam aǵzasyn transplantatsııalaýǵa arnalǵan shoshqa shyǵaratyn ferma salyp otyr, dep habarlaıdy Nikkei Asia.

Japondyq startap amerıkalyq bıotehnologııalyq fırmamen birlesip qarapaıym shoshqalardyń jasýshalaryn paıdalanyp janýarlardyń klondaryn jasaýdy josparlap otyr. Bıomaterıal aldymen retsıpıenttiń ımmýndyq júıesi organnan bas tartý qaýpin azaıtý úshin genetıkalyq túrlendiriledi.

Ferma 2027 jylǵa qaraı iske qosylýy tıis jáne onda jylyna shamamen 100 shoshqa ósiriledi dep kútilip otyr.

Nikkei Asia jazýynsha, adamdarǵa transplantatsııalaý úshin donorlyq materıaldyń tapshylyǵyn eskere otyryp, shoshqa múshelerin mólsheri men qurylymynyń adam múshelerine uqsastyǵyna baılanysty paıdalanýǵa bolady.

Ótken jyldyń aqpan aıynda japon ǵalymdary alǵash ret AQSh-ta ósirilgen, túraralyq organdar, onyń ishinde adamǵa transplantatsııalaýǵa jaramdy shoshqany sátti klondaǵany týraly habarlanǵan bolatyn.

Osyǵan deıin qytaılyq ǵalymdar genomdyq túrlendirilgen shoshqa ókpesin adamǵa sátti kóshirdi.