Japondyq júk tasymaldaý kompanııalary Qyzyl teńiz arqyly tasymaldy toqtatty

ASTANA. KAZINFORM – Japonııanyń keme qatynasy iri kompanııalary aımaqtaǵy jaǵdaıdyń shıelenisýine baılanysty Qyzyl teńiz arqyly tasymaldaýdy tolyǵymen toqtatyp otyr, dep jazady TASS aqparat agenttigi. 

Tıisti sheshimdi NYK Line, Mitsui OSK Lines jáne Kawasaki Kisen Kaisha qabyldady. Olar osy ýaqytqa deıin tek Izraılmen baılanysty kemeler tasymalymen shektelse, endi barlyq basqa kemeler de tasymaldy toqtatady.

Balamaly baǵyt Afrıkanyń ońtústigindegi Qaıyrly Úmit múıisi arqyly ótedi, bul jetkizý merzimderiniń uzarýyna jáne tasymaldaý qunynyń joǵarylaýyna ákeledi.

Buǵan deıin japondyq Suzuki kompanııasy Qyzyl teńizdegi jaǵdaıǵa baılanysty Japonııadan quramdas bólikter, sonyń ishinde qozǵaltqyshtardy jetkizýdegi úzilis saldarynan Vengrııadaǵy qurastyrý zaýytynyń jumysyn bir aptaǵa toqtatatynyn habarlaǵan bolatyn.

Eske sala ketsek, jumaǵa qaraǵan túni AQSh pen Ulybrıtanııanyń ushaqtary men áskerı kemeleri keıingi kezde Irannyń qoldaýymen Qyzyl teńizdegi saýda kemelerine shabýyl jasaı bastaǵan Iemendegi kóterilisshi hýsıtter tobyna soqqy berdi.

Hýsıtterdiń kim ekeni jáne olar Izraılge bet alǵan kemelerge nelikten shabýyl jasaıtyny týraly buǵan deıin jazǵan bolatynbyz.