Japondyq Honda avtokólik kompanııasy Qytaıdaǵy úsh zaýytyn ýaqytsha japty

ASTANA. KAZINFORM – Satylymnyń kúrt tómendeýine baılanysty tanymal japondyq Honda avtomobıl kompanııasy Qytaıdaǵy bıznesin retteýge sheshim qabyldady.

Japonııanyń Kıodo aqparat agenttiginiń habarlaýynsha, Honda Qytaıdyń Hýbeı provıntsııasynyń Ýhan qalasyndaǵy barlyq úsh zaýytynda da óndiristi ýaqytsha toqtatty.

Ýaqytsha jabylǵan úsh avtomobıl shyǵaratyn zaýyttyń jyldyq óndiristik qýaty 720 myń kólikke jetedi. Óndiristi toqtata otyryp, bul zaýyttar keıbir jumysshylardy qysqartady. Bastapqyda 2000-ǵa jýyq qyzmetker jumystan bosatylady.

Qytaıda Honda avtokóliginiń satylymy áli tómendep jatyr. bul kompanııanyń mundaı sheshim qabyldaýyna túrtki bolǵan sebepterdiń biri ekeni habarlandy.