Japon hanshaıymy ıÝrıko 101 jasynda qaıtys boldy
ASTANA. KAZINFORM – Hanshaıym ıÝrıko – Japonııa ımperatorynyń nemere ájesi. Ol ımperator otbasynyń eń úlken múshesi boldy, dep jazady Kyodo news.
– Hanshaıym ıÝrıko juma kúni tańerteń Tokıo aýrýhanasynda qaıtys boldy, dep habarlady Imperatordyń úı sharýashylyǵy agenttigi.
101 jasynda kóz jumǵan Japon hanshaıymynyń qazasyna premer-mınıstr Sıgerý Isıba da qaıǵyra kóńil aıtty.
– Men hanshaıym qazasy týraly estigende qaıǵyrmaı tura almadym. Barsha japon azamattarymen birge shyn júrekten kóńil aıtamyn, - dep jazylǵan málimdemede.
Hanshaıym ıÝrıko naýryz aıynda jeńil ınsýlt pen aspıratsııalyq pnevmonıtpen aýrýhanaǵa jatqyzylyp, emdelip jatqan edi. Biraq osy aıdyń basynda medıtsınalyq tekserýler júrek pen búırek qyzmetiniń nasharlaǵanyn kórsetti.
Burynǵy japon aqsúıekteriniń ókili 1941 jyly Gakýsıýın qyzdar akademııasyn bitirgennen keıin 18 jasynda ımperator Hırohıtonyń inisi, qaıtys bolǵannan keıin ımperator Seva degen atpen belgili hanzada Mıkasýǵa turmysqa shyqty. Onyń kúıeýi 2016 jyly 100 jasynda kóz jumdy.
Erli-zaıyptylardyń úsh ul, eki qyzy boldy. Olardyń uldary Tomohıto, Katsýra jáne Takamado hanzadalary sáıkesinshe 2012, 2014 jáne 2002 jyldary qaıtys boldy. Úsh nemeresi ımperator otbasynda qaldy. Qalǵan ekeýi - hanzada Takamadonyń qyzdary Norıko men Aıako 2014 jáne 2018 jyldary qarapaıym adamdarǵa turmysqa shyǵyp, ımperatorlyq tıtýldarynan bas tartty.
ıÝrıko hanshaıym Japon Qyzyl Krest qoǵamynyń qurmetti vıtse-prezıdenti boldy jáne buǵan deıin 1948 jyldan 2010 jylǵa deıin ana men bala densaýlyǵy máselelerimen aınalysatyn Bosı-Aııký-Kaı Imperator qorynyń prezıdenti qyzmetin atqarǵan.
