Japon ǵalymdary Syr óńiri aýmaǵynda arheologııalyq qazbalar júrgizedi
QYZYLORDA. KAZINFORM – Qorqyt ata atyndaǵy Qyzylorda ýnıversıteti men Japonııa ǵalymdary birlesip Syr óńiri aýmaǵynda arheologııalyq qazbalar júrgizedi.
Halyqaralyq ǵylymı jobany japondyq áriptestermen birge Qorqyt ata atyndaǵy Qyzylorda ýnıversıtetiniń arheologııa jáne etnografııa ortalyǵynyń ǵylymı qyzmetkeri Yslam Qurmanııazov jeńip alǵan.
Jobany Japonııanyń Bilim, mádenıet, sport, ǵylym jáne tehnologııalar mınıstrligi qarjylandyrady. Tokıo qalasyndaǵy Meıdzı ýnıversıteti Obsıadan jáne tastardy zertteý ortalyǵymen birlese otyryp arheologııalyq zertteý jumystaryn 2024-2027 jyldar arvlyǵynda atqarady.
Ǵalymdar Aral mańynyń ejelgi dáýirler eskertkishterin tabylǵan jádigerlerge arheo-botanıkalyq ádis arqyly zerthanalyq taldaý (qysh ydystarǵa) zertteý jumystaryn júrgizedi.
Qazirgi tańda ýnıversıtetter eki jaqty memorandýmǵa qol qoıýǵa daıyndyq júrgizilýde. Zertteýshiler quramynda fılosofııa doktory (PhD), Meıdzı ýnıversıtetiniń Obsıadan jáne tastardy zertteý ortalyǵynyń ǵylymı qyzmetkeri Eıko Endo fılosofııa doktory (PhD), Nara ulttyq mádenı qundylyqtardy zertteý ınstıtýtynyń halyqaralyq yntymaqtastyq bóliminiń meńgerýshisi Shınıa Shoda jáne Qorqyt Ata Qyzylorda ýnıversıtetinen gýmanıtarlyq ǵylymdar magıstri, doktorantýra túlegi Yslam Qurmanııazov bar.
«Japon ǵalymdary qysh ystardaǵy as qaldyǵyn zertteıdi. Syr óńiriniń Araldyń soltústik shyǵys bóliginde qola jáne temir dáýirinde mekendegen taıpalardyń, eginshilerdiń, baqtashylar turmysta qoldanǵan qysh ydystaryn zertteıdi. Ásirese tary, bıdaı sekildi daqyldardy qanshalyqty deńgeıde paıdalanǵanyn qysh ydystardan alynǵan astyq qaldyqtaryna keshendi zertteý júrgizedi» - deıdi jas ǵalym Yslam Qurmanııazov.
Japondyq ǵalymdardyń Syr óńirine is-sapary tamyz aıynda josparlanǵan. Іs-sapar aıasynda ýnıversıtet bazasyndaǵy arheologııalyq qazbalar kezinde tabylǵan qysh ydystardy zerttep, Qazaly, Aral aýmaǵyndaǵy eskertkishterdi aralaıdy. Joba aıasynda eki el ǵalymdary tájirıbe almasyp, birlesken jumystardy arttyrmaq.
Eske salsaq, budan buryn lıtvalyq Gıdre Motýzaıte Matýzevıchıýte Qazaqstan jáne Syr óńiriniń arheologııasy jóninde oı bólisken edi.
