Jansel Denız Manchesterde ótetin Gran-prı fınalynda baq synaıdy
Jansel Denız 2-3 jeltoqsanda Ulybrıtanııanyń Manchester qalasynda taekvondodan ótetin Gran-prı fınalynda baq synaıdy, dep habarlaıdy Kazinform.
Sportty damytý dırektsııasynan málim etkenindeı, bul aıtýly básekede olımpıada baǵdarlamasyna kiretin 8 salmaqta 38 memleketten jınalǵan 128 tańdaýly sportshy júldege talasady.
Atap aıtqanda, ár salmaqta 16 daıang sheberinen. Bastysy, mundaǵy upaılar Parıj oıyndaryna barý múmkindigin jaqyndata túsedi.
Qazaqstan atynan Manchesterge tek bir ǵana taekvondoshy barady. Ol – 67 keliden joǵary salmaqtaǵy Jansel Denız. Djakartadaǵy Azıadanyń kúmis, Hanchjoýdaǵy oıyndardyń qola júldegeri qazir olımpıadalyq reıtıngte 14-satyda tur. Demek, ulttyq qurama ókili Astana qalasynda (2-4 jeltoqsan) ótetin VI jazǵy spartakıadaǵa qatysa almaıdy.
«Jansel bıyl Bakýde ótken álem chempıonatynda 73 kg salmaqta shırek fınalda súrinip (Polına Han), júldege bir taban jetpeı toqtaǵan. Bul salmaqta álem chempıony Alteıa Lorın – jalpy reıtıngtiń kóshbasshysy. Budan bólek, Gran-prıdiń fınalynda mynadaı tanymal sportshylar óner kórsetedi – 2019 jylǵy álem chempıony, Hanchjoýdaǵy Azıadanyń jeńimpazy Djýn Chjan (Ońtústik Koreıa, 58 kg), Tokıo olımpıadasynyń chempıony Panıpak Vongpattanakıt (Taıland, 49 kg), Tokıo olımpıadasynyń jeńimpazy Ulyqbek Rashıtov (Ózbekstan, 68 kg), 2023 jylǵy álem chempıony Sımone Alessıo (Italııa, 80 kg), 2023 jylǵy álem chempıony Sheık Salla Sısse (Kot-d’Ivýar, 80 kg), 2023 jylǵy álem chempıony Tszýnshı Lo (Qytaı, 57 kg) jáne Magda Vıt Enen (Frantsııa, 67 kg)», - dep habarlady vedomstvodan.
