Jankent qalasynyń qaı ǵasyrda qalanǵany jóninde jańa málimetter belgili boldy
Qyzylorda oblysyndaǵy ortaǵasyrlyq Jankent qalasynyń ornynda arheologııalyq qazba jumystary bıyl da jalǵasty. Zertteýshiler jaratylystaný ǵylymdary ádisterin qoldanyp, Jankenttiń absolıýttik jasyn anyqtady. Buǵan deıingi derekterde kóne qalanyń ІH-HІ ǵasyrlarda boı kótergeni aıtylǵan edi. Endi jańa zertteýler shahardyń irgetasy VІІ ǵasyrda qalanǵanyn kórsetti.
«Eskertkish búginde tórt jerden qazylyp, arheologtar zamanaýı ınnovatsııalyq qural-jabdyqtar kómegimen zertteý jumystaryn júrgizip jatyr. Tabylǵan jádigerler arheologııalyq zertteýler zerthanasynda óńdelip, oblystyq tarıhı-ólketaný murajaıyna beriledi. Jobanyń ǵylymı jetekshileri - arheologııa ǵylymdarynyń doktory, professor Genrıh Harke, tarıh ǵylymdarynyń kandıdaty Ázilhan Tajekeev jáne tarıh ǵylymdarynyń kandıdaty, professor Irına Arjantseva», - dep málim etti Qorqyt ata atyndaǵy Qyzylorda ýnıversıtetinen.
Zertteý jumystaryna Tıýbıngen ýnıversıtetiniń, Reseıdiń joǵary ekonomıka mektebiniń, Máskeý memlekettik ýnıversıtetiniń jáne Qorqyt ata atyndaǵy Qyzylorda ýnıversıtetiniń stýdentteri men 35 ǵalym qatysyp jatyr.
Eske salsaq, budan buryn Atyraýda Otyrardan tabylǵan qundy jádigerler kórmesi ótkizildi.
