Jáńgir hannyń rezıdentsııasyna aparatyn jol jóndelip jatyr

ASTANA. KAZINFORM - «QazAvtoJol» Jáńgir hannyń rezıdentsııasyna aparatyn joldyń qurylysyn bastady.

«QazAvtoJol» UK» AQ jergilikti halyqtyń suranysy boıynsha R-56 «Hanorda aýylyna kireberis» respýblıkalyq mańyzy bar avtomobıl jolynyń 0-21 shaqyrymyndaǵy ýchaskede orta jóndeý jumystaryn bastap ketti. Bul ýchaske respýblıkalyq mańyzy bar «Ónege-Bısen-Saıqyn-RF shekarasy» avtojolynyń jáne Batys Qazaqstan oblysy Bókeıorda aýdany Hanorda aýylynyń arasynda ornalasqan», — dep jazdy vedomstvodan.

Atalǵan avtojol ýchaskesi IV tehnıkalyq sanatqa jatady jáne aımaqtyń jetekshi týrıstik TOP-50 baǵytyna kiretin «Hanorda tarıhı-mádenı, arhıtektýralyq-etnografııalyq mýzeı-qoryǵy» MKQK-ǵa aparatyn jalǵyz joldyń biri.

Aıta ketý kerek, qıyrshyq tas tóleý arqyly bul jol ótken ǵasyrdyń 60-70-jyldary salynǵan. «QazAvtoJol» 2024 jyldyń aıaǵyna joldy jóndeý jumystaryn aıaqtaýdy josparlap otyr.