Jandarbek Bekshın tumaýdyń da qaýipti ekenin eskertti

ALMATY. QazAqparat – Maýsymdyq tumaý aldynda oǵan qarsy ekpe alý kerek pe jáne ol koronavırýsqa qalaı áser etedi degen suraqtarǵa Almaty qalasynyń memlekettik bas sanıtar dárigeri Jandarbek Bekshın jaýap berdi, dep habarlaıdy QazAqparat tilshisi.

«JRVI men tumaýǵa koronavırýs ınfektsııasy qosylsa jaǵdaı óte qıyn bolady. Biz jedel zerthanalyq keshendi taldaý jasaý suraqtaryn qarastyryp jatyrmyz. Qazir jańa tehnologııalar paıda boldy. Olardy der kezinde engizý úshin ýaqytymyz bar. JRVI men tumaýmen aýyrǵandar sanyn azaıtý úshin, tumaýǵa qarsy vaktsınatsııa jasaý kerek», - dedi Bekshın.

Ol koronavırýs ınfektsııasy tárizdi jedel respıratorlyq jáne vırýstyq ınfektsııa kezinde de adamdardyń kóz jumý jaǵdaılarynyń bolatyndyǵyn eskertti.

«Sol sebepti bizge júıeli jumys júrgizý kerek. Biz bul máselelerdi talqylap, koronavırýspen qatar, JRVI men tumaýdyń aldyn alý sharalaryn qarastyryp jatyrmyz. Birinshi bólikti joıý úshin vaktsınatsııa jasaý kerek. Eger birinshi adam tumaýmen aýyryp, oǵan keıin koronavırýs qosylsa ımmýnıtet kótere almaıdy. Sol sebepti biz jaqsy vaktsınatsııa jasaýǵa daıyndalýymyz kerek. Eger koronavırýs ınfektsııasy tumaýdyń ústine qosylsa kez kelgen aǵzanyń eki soqqyǵa shydaýy qıyn bolady», - dep túsindirdi Jandarbek Bekshın.