Jańbyr, burshaq, úsik: Qazaqstannyń basym bóliginde kún raıyna baılanysty eskertý jarııalandy
ASTANA. KAZINFORM — 21 mamyr kúni Qazaqstannyń birqatar óńirinde kún raıy qolaısyz bolady. Osyǵan baılanysty «Qazgıdromet» eskertý jarııalady.
«Qazgıdromet» boljamyna qaraǵanda 21 mamyr kúni Astanada kún kúrkirep, jańbyr jaýady. Keı jerlerde burshaq túsip, ekpindi jel soǵady.
Soltústik-shyǵystan soǵatyn jeldiń ekpini sekýndyna 15-20 metrge deıin jetedi.
Almatyda kún sońyna qaraı ótkinshi jańbyr jaýyp, naızaǵaı oınaıdy.
Ońtústik-shyǵys jeliniń ekpini 15-18 metrge deıin kúsheıedi.
Abaı oblysynyń batysy men soltústiginde jańbyr, naızaǵaı, burshaq jáne daýyl bolady.
Óńirdiń shyǵysynda tótenshe órt qaýpi saqtalady.
Almaty oblysynyń ońtústigi men taýly aımaqtarynda jańbyr jaýyp, naızaǵaı oınaıdy.
Oblystyń batysynda tótenshe órt qaýpi jarııalanǵan.
Aqmola oblysynda nóser jańbyr, burshaq jáne kúshti jel bolady.
Keı jerlerde jeldiń ekpini sekýndyna 28 metrge deıin jetedi.
Óńirdiń soltústigi, ońtústigi jáne ortalyǵynda joǵary órt qaýpi saqtalady.
Atyraý oblysynyń soltústigi men shyǵysynda naızaǵaı oınap, jańbyr jaýady.
Oblystyń shyǵysy men ońtústiginde shańdy daýyl turady.
Kúndiz aýa temperatýrasy 35 gradýsqa deıin kóteriledi.
Aqtóbe oblysynyń birqatar aýdanynda jańbyr jaýyp, naızaǵaı oınaıdy.
Ońtústik bóliginde shańdy daýyl turady.
Óńirde joǵary, al ońtústiginde tótenshe órt qaýpi saqtalady.
Shyǵys Qazaqstan oblysynyń soltústiginde burshaq aralas jańbyr jaýady.
Oblystyń shyǵysynda túnde 1 gradýs úsik júrýi múmkin.
Jambyl oblysynyń ońtústigi men taýly aýmaqtarynda jańbyr jaýyp, naızaǵaı bolady.
Taýly aýdandarda tuman túsedi.
Jetisý oblysynda jeldiń ekpini keı ýaqytta sekýndyna 28 metrge deıin kúsheıedi.
Oblystyń shyǵysynda tótenshe órt qaýpi saqtalyp otyr.
Batys Qazaqstan oblysynyń batysy men ońtústik-shyǵysynda naızaǵaı oınap, jańbyr jaýady.
Keı aýdandarda shańdy daýyl turady.
Qaraǵandy oblysynyń soltústigi men shyǵysynda jańbyr, naızaǵaı, burshaq jáne daýyl boljanyp otyr.
Oblystyń soltústigi men ońtústiginde tótenshe órt qaýpi saqtalady.
Qostanaı oblysynyń batysy, soltústigi jáne shyǵysynda jańbyr jaýyp, naızaǵaı oınaıdy.
Túnde jáne tańerteń keı jerlerde tuman túsedi.
Oblystyń batysy men soltústiginde 2 gradýsqa deıin úsik júrýi múmkin.
Qyzylorda oblysynyń ońtústiginde jańbyr men naızaǵaı kútiledi.
Soltústigi men ortalyǵynda shańdy daýyl bolady.
Óńirde tótenshe órt qaýpi saqtalady.
Mańǵystaý oblysynyń soltústigi men ortalyǵynda jańbyr jaýyp, naızaǵaı oınaıdy.
Pavlodar oblysynda jańbyr, naızaǵaı, burshaq jáne daýyldy jel kútiledi.
Soltústik Qazaqstan oblysynda qatty jańbyr jaýyp, burshaq túsýi yqtımal.
Keı aýdandarda jeldiń ekpini sekýndyna 25 metrge deıin jetedi.
Ulytaý oblysynyń soltústigi men shyǵysynda jańbyr, naızaǵaı jáne burshaq bolady.
Óńirde joǵary jáne tótenshe órt qaýpi saqtalyp otyr.
Osyǵan deıin Qazaqstannyń úsh óńirinde kún kúrt sýytatyny týraly jazdyq.
