Jánibektiń ata-anasyn polıtsııa izdep jatyr - ІІM

ASTANA. KAZINFORM – Polıtsııa Belgııa azamaty asyrap alǵan 22 jastaǵy Jánibek Jumaǵulovtyń (Djanı) ata-anasyn izdep jatyr. Bul týraly Іshki ister mınıstriniń birinshi orynbasary Marat Qojaev aıtty.

Búgin Senattyń jalpy otyrysynan keıin BAQ ókilderi odan anasyn izdegen eýropalyq Jánibektiń oqıǵasyna qatysty qylmystyq istiń qozǵalǵan ne qozǵalmaǵanyn suraǵan edi.

«Qylmystyq is qozǵaldy. Onyń (Jánibektiń) qashan jáne qandaı sebepke baılanysty shetelge ketkeni anyqtalyp jatyr. Áke-sheshesin polıtsııa izdeýde. Qazir sizderge Jánibektiń oqıǵasy sııaqty ister bar dep aıta almaımyn», - dedi Іshki ister mınıstriniń birinshi orynbasary.

Eske sala keteıik, belgııalyq Jánibek Jumaǵulovtyń týǵan anasyn tabýǵa qatysty elimizdiń Bas prokýratýrasyna ótinish jibergeni týraly habarlaǵan edik.

Sondaı-aq Qazaqstanǵa kelgen kezde ol Astanadaǵy balalar úıine barǵan.