Jánibek Álimhanuly jekpe-jek aldyndaǵy alǵashqy jattyǵýyn ótkizdi

ASTANA. KAZINFORM - Orta salmaqta WBO jáne IBF nusqasy boıynsha álem chempıony, qazaqstandyq kásipqoı boksshy Jánibek Álimhanuly (16-0, 11KO) kezekti jekpe-jegi aldynda jankúıerler úshin ashyq jattyǵý ótkizdi. 

Жәнібек Әлімханұлы жекпе-жек алдындағы алғашқы жаттығуын өткізді
Фото: Виктор Федюнин/ Kazinform

Kásipqoı boks keshine arnalǵan ashyq jattyǵý elordadaǵy Hanshatyr saýda ortalyǵynda ótti. Oǵan boks keshiniń anderkartynda sharshy alańǵa shyǵatyn boksshylar da qatysty. Olardyń qatarynda Balaýsa Muzdyman, aǵaıyndy Sabyrhandar, Batyr Júkembaev, Sultan Zaýyrbek, Bahodır Jalolov jáne Jánibek Álimhanulynyń qarsylasy Anaýel Ngamıssengý bar.

jattyǵý
Foto: Vıktor Fedıýnın/ Kazinform

Jánibek ashyq jattyǵýdan keıin otandastaryna sálem joldap, aldaǵy aıqasyna qoldaý bildirýge shaqyrdy.

— Arma, qazaq eli! 5 sáýir kúni barlyǵyńyzdy Astanadaǵy «Barys arenada» kútemiz. Álem jurtshylyǵyna «Qazaq style»-dyń qanshalyqty myqty ekenin kórsetemiz. Bizge jankúıer bolyńyzdar, - dedi boksshy.

Jánibek
Foto: Vıktor Fedıýnın/ Kazinform

Eske sala ketsek, Jánibek Álimhanuly 5 sáýir kúni Astana qalasynda kezekti jekpe-jegin ótkizip, chempıondyq beldikterin qorǵaıdy. 

Buǵan deıin habarlaǵanymyzdaı, Jánibek-Anaýel aıqasy anderkardy tolyq anyqtaldy. 

Сейчас читают