Jánibek Álimhanuly WBO álem chempıony ataǵyn saqtap qaldy

ASTANA.KAZINFORM — Búkilálemdik boks uıymy (WBO) aqpan aıyna arnalǵan jańartylǵan reıtıngisin jarııalady.

Reıtıngige sáıkes, qazaqstandyq boksshy Jánibek Álimhanuly (17-0, 12KO) orta salmaqta WBO nusqasynyń álem chempıony statýsyn saqtap, kósh bastap túr.

Taǵy bir qazaqstandyq boksshy Álı Ahmedov (25-2, 17KO) sýper orta salmaqta bir satyǵa joǵarlap, 14-orynnan kórindi.

Osyǵan deıin habarlaǵandaı, Búkilálemdik boks uıymy (WBO) Jánibek Álimhanulyna tyıym salynǵan meldonıı zaty boıynsha oń nátıje kórsetken dopıng synamasyna baılanysty osy jyldyń 2 jeltoqsanyna deıin bir jyl merzimge jarystardan shettetý jazasyn qoldandy.

Uıymnyń sheshimine sáıkes, qazaqstandyq boksshy chempıondyq ataǵy saqtaldy. Al shettetý merzimi aıaqtalǵannan keıin Jánibek Álimhanuly ýaqytsha chempıonmen mindetti túrde jekpe-jek ótkizýge tıis.

Sondaı-aq Qazaqstan Kásipqoı boks federatsııasynyń prezıdenti Rahymjan Erdenbekov sportshynyń aǵzasyna dopıngtiń qalaı túskeni týraly aıtyp berdi.

Aıta keterligi, Qazaqstan Kásipqoı boks federatsııasy Jánibek Álimhanulyn 2026 jylǵy 31 mamyrǵa deıin jarystan shektedi.