Jánibek Álimhanuly dopıng synamasynan ótti
ASTANA. KAZINFORM – Qazaqstandyq bylǵary qolǵap sheberi Jánibek Álimhanuly orta salmaqtaǵy WBO, IBF jáne WBA belbeýleri úshin birikken tıtýldyq jekpe-jek aldynda dopıng synamasyn tapsyrdy.
Bul jóninde Qazaq Style laqap atymen tanymal boksshy Instagram-da jazba jarııalady. Álimhanulynyń jeke paraqshasyndaǵy Stories júıesinde qan saraptamasynyń sýreti beınelengen.
– Men qashanda taza sportty qolaımyn. Sportshynyń dopıngti qoldanýyna qarsymyn. Biz VADA-ǵa test tapsyrdyq, keshe nátıjesi keldi – barlyǵy taza, - dep jazdy Jánibek Álimhanuly.
Otandasymyz búginge deıin WBO, IBF tujyrymdary boıynsha orta salmaqtaǵy álem chempıony ataǵyna ıe bolǵan. Endi Jánibek 6 jeltoqsanda WBA tujyrymy boıynsha orta salmaqtaǵy álem chempıony, 42 jastaǵy Erıslandı Laramen qolǵap túıistiredi.
Bul jekpe-jek AQSh-tyń Tehas shtatynda ornalasqan San-Antonıo qalasynda ótedi. Atalǵan boks keshinde Lamont Roých pen Isaak «Pıtbýl» Krýs ta ózara kim myqtyny anyqtaıdy.
Jánibek Álimhanuly 1993 jyly 1 sáýirde dúnıege kelgen. Áýesqoı boksta 2013 jyly álem chempıony ataǵynyp, sol jyly Azııa chempıonatynda jeńis tuǵyryna kóterildi.
2015 jyldan beri kásipqoı boksta 17 jekpe-jek ótkizip, sonyń barlyǵynda jeńiske jetken.
Buǵan deıin Jánibek Álimhanuly jelige aldaǵy jekpe-jegi jaıynda jazba jarııalaǵanyn jazǵan edik.