Jańajyl túninde myńdaǵan temirjolshy jumysqa shyǵady

ASTANA. QazAqparat - Birneshe myń temirjolshy Jańa jyldy óz jumystarynda qarsy alady, dep habaralıdy QTJ baspasóz qyzmeti.

«QTJ» UK» AQ dıspetcherleri, stantsııa, depo boıynsha kezekshiler, mashınıster men olardyń kómekshileri, jolshylar, jolserikter jáne aýysymdary 31 jeltoqsannan 1 qańtar túnine túsken ózge qyzmetkerler shtattyq rejımde jumys isteıtin bolady.

«QTJ-Júk tasymaly» AQ 13 myń asa qyzmetkeri, «Jolaýshylar tasymaly» AQ 1500 qyzmetkeri mereke túni poıyzdardyń keste boıynsha qozǵalýyn qamtamasyz etedi jáne mereke kúnderi jolaýshylarǵa qyzmet kórsetedi.

«Jańa jyl túninde kezekshilik etý men úshin qalypty is. Maǵan osylaısha talaı ret jumys isteýge týra kelgen jáne sondyqtan jańajyldyq kezekshilik pen jaı kúnderdegi jumystyń arasynda eshqandaı aıyrmashylyq kórip otyrǵanym joq. Poıyzdar sol baıaǵysha júredi, adamdar da baıaǵysha jumys isteıdi. Tek sál jaýapkershilikti, sál shydamdy, sál yqylasty bolý kerek», - deıdi poıyz dıspetcheri Rústem Qıqymov.

«QTJ» UK» AQ dástúrli túrde jolaýshylardyń merekelik kóńil-kúılerin kóterý úshin qoldan kelgenniń bárin jasaýda. Temirjol vokzaldarynda daýys zoraıtqyshy arqyly quttyqtaýlar estilip jatady. Poıyzdarda osy jyldy jolda shyǵaryp salǵysy kelgenderdiń atyna quttyqtaýlar aıtylatyn bolady. 31 jeltoqsanda poıyzdarmen saparǵa 50 myń adam shyǵady.

Temirjolshylar kúrdeli qystyq jaǵdaıda poıyzdardyń úzdiksiz ári qaýipsiz qozǵalysyn qamtamasyz etý úshin kúsheıtilgen rejımde jumys isteıdi.