Jańarý kúni Batys Qazaqstan oblysynda aǵash otyrǵyzý aktsııasy ótti
Elimizde atalyp ótip jatqan Naýryznama on kúndigine sáıkes, 19 naýryz – Jańarý kúni. Bul kúni Batys Qazaqstan oblysynda aǵash otyrǵyzý aktsııasy ótti.
Atalǵan is-sharaǵa BQO ákimi Narıman Tóreǵalıev qatysyp, qala turǵyndaryn Naýryz merekesimen quttyqtady.
«Memleket basshysynyń bastamasymen bıyl elimizde Naýryz merekesi Naýryznama ataýymen jańa formatta toılanýda. Naýryznamanyń ár kúni ulttyq qundylyqtarymyzdy nasıhattaýǵa baǵyttalǵan. Búgin 19 naýryz – Jańarý kúni qala turǵyndarymen birge aǵash otyrǵyzý aktsııasyn ótkizip jatyrmyz.
«Júz jyldyǵyn oılaǵan halyq aǵash egedi» deıdi dana halqymyz. Qalamyzdyń kelbeti men sáni – jaıqalǵan jasyl jelek. Búgin Naýryz merekesi qarsańynda 10-shy shaǵyn aýdanǵa 74 túp shyrsha kóshetin egemiz»- dedi Narıman Tóreǵalıev.
Atalǵan sharaǵa qala turǵyndary, jastar, qoǵam belsendileri, aǵa býyn ókilderi qatysty.
Ótken jyly Oral qalasynda 4 myńǵa jýyq kóshet otyrǵyzylǵan. Bıyl da bul jumys jalǵasyn taýyp, Oral qalasyn kóriktendirý maqsatynda 3 myńdaı aǵash otyrǵyzý kózdelgen.
