«Janarmaı baǵasynyń ósýine alypsatarlar kináli» - respýblıkalyq basylymdarǵa sholý
***
«Egemen Qazaqstan» gazeti búgingi sanynda «7 paıyzdyq damý - jetekshi baǵyt» degen taqyryppen maqala basty. Maqalaǵa Premer-Mınıstr Kárim Másimovtiń tóraǵalyǵymen ótken keshegi Úkimet otyrysynda kóterilgen máseleler arqaý bolǵan. Basmylymnyń jazýynsha, ІJÓ-niń naqty ósýiniń deńgeıi 2011 jyly 7,0 paıyz, 2012 jyly - 6,9 paıyz, 2013 jyly - 6,5 paıyz, 2014 jyly - 7,1 paıyz, 2015 jyly 7,4 paıyz deńgeıinde baǵalandy, bul 2011-2015 jyldary jyl saıyn ortasha 7,0 paıyzǵa ósýge múmkindik beredi. Sondaı-aq, shıkizattyq emes salalardy belsendi damytý esebinen jyldyq damý deńgeıin 7 paıyzdyq mólsherden arttyra otyryp qamtamasyz etýdiń múmkindikteri de eskerilgen.
Sondaı-aq osy basylym elordada ótken el táýelsizdiginiń 20 jyldyǵyna arnalǵan «Til - táýelsizdiki tuǵyry» atty dóńgelek ústel otyrysynda kóterilgen máselelerdi «Qazaq tili qaıtse qajettilikke aınalady» degen taqyryppen berip otyr. Basylymnyń jazýynsha, Til máselesi qozǵalǵan jıynda elordada turatyn 70 paıyz qazaq balalarynyń 53 paıyzy qazaq synyptaryna, 47 paıyzy orys synybynda oqıtyny alǵa tartyldy. Tipti, bir aralas mekteptiń orys synybynda 1000-ǵa tarta ul-qyz bilim alyp júrse, sonyń 144-i ǵana ózge ulttyń balalary kórinedi. Budan ózge de áttegen-aılar az aıtylǵan joq. Basty túıin, qazaq tiliniń qajettiligi eń birinshi Astanada júzege assa, odan keıin máseleniń bári sheshiledi degenge saıdy.
***
«Aıqyn» basylymy búgingi sanynda «Janarmaı baǵasynyń ósýine alypsatarlar kináli» atty problemalyq maqala jarııalandy. Onda elimizde janarmaıǵa qatysty qalyptasqan jaǵdaı týraly túrli sala mamandarynyń pikirleri negizinde saraptama jasalady. Osy máselege qatysty óziniń pikirin bildirgen Ekonomıkalyq damý jáne saýda vıtse-mınıstri Tımýr Súleımenovtyń aıtýynsha, kórshi eldegi jaǵdaıdy paıdalanyp, kásipkerler janarmaı quıý beketterine oıyna kelgen baǵany qoıyp jatyr. Biraq bul kópke sozylmaıdy. Óıtkeni oǵan qatysty qosymsha sharalar qolǵa alyndy. Janarmaı baǵasy sál qymbat bolǵanymen, baıaǵy jyldardaǵydaı tym kóterilmeıdi.
«Qara altynnyń» jiligin shaǵyp, maıyn iship otyrǵan shaǵyn zaýyt ún-túnsiz bar qaldyǵyn dalaǵa aǵyzyp kelgen. Aqtóbe oblysynyń ekologtary men sol mekemeni jaǵalaı ornalasqan iri kásiporyn basshylary zar eńirep otyr. Biri sýy lastanady, ekinshisi kógildir otynnyń kúre tamyryna ot ushqyny tıse qalanyń kúli kókke ushady deıdi», - delingen «Aıqyn» gazetiniń búngingi sanyndaǵy «Qaldyq dalaǵa aǵyp jatyr» degen maqalada.
***
«Balalar mektepke esek arbamen baryp júr». «Alash aınasy» basylymynyń búgingi sanynda osyndaı taqyryppen jarııalanǵan maqalada Shymshahardan 15 shaqyrym jerde ornalasqan Jańaqonys aýylynyń aty ádemi bolǵanymen, zaty kelispeı turǵandyǵy aıtylady. «Munda kúndelikti turmysqa qajetti eń birinshi qajettilikterdiń ózi qat. Elektr jaryǵy joq. Jurt maıshammen kúneltýde. Kesh batsa syǵyraıǵan shamǵa kúni túsýli. Týra soǵystyń jyldaryn eske túsiredi. Ázirge Qytaıdyń arzanqol shamdary ájetke jarap tur. Eń qıyny, tirshilik nári - sý joq. Qasqaldaqtyń qanyndaı qat dúnıeni satyp alady», - dep jazady basylym.
Sondaı-aq osy basylymnyń habarlaýynsha, Qostanaı oblysy qoqystan tazartylmaı otyr. Bul týraly qala jáne aýdan ákimshilikterimen ótkizilgen selektorlyq jıyn barysynda oblys ákiminiń orynbasary Vıktor Meıster habarlaǵan. Meısterdiń aıtýynsha, oblys boıynsha júrgizilgen tekserý jumystary barysynda sanktsııalanbaǵan qoqystar tógiletin jerler kóptep anyqtalǵan. Degenmen anyqtaý jumystaryn óz moınyna alǵan ákimshilikter bul jumysty durys júrgizbeýde.
***
«Kazahstanskaıa pravda» basylymy búgingi sanynda «Svoı prognoz po godovoı ınflıatsıı Natsbank ne snımet» atty maqala basty. Onda Ulttyq bank tóraǵasy Grıgorıı Marchenko ótkizgen baspasóz-máslıhaty barysynda kóterilgen máseleler sóz boldy. Ulttyq bank basshysynyń aıtýynsha, ishki valıýta naryǵy birshama turaqtandy. Interventsııalar azaıyp, aldaǵy ýaqytta teńge baǵamy 144,6-144,7 aralyǵynda jaıly baǵamǵa keledi degen bojam bar.
