Jańaózende «Balaqaı» ońaltý ortalyǵy ashylady
Táýelsizdiktiń 30 jyldyǵy aıasynda «Ózenmunaıgaz» mekemesiniń qyzmetkerleri qaıyrymdylyq jasap aı saıynǵy jalaqysynan qarjy bólýiniń arqasynda balalardy ońaltý ortalyǵy ashylady.
Zamanaýı qondyrǵylarmen qamtamasyz etilgen ońaltý ortalyǵynda sáýleli terapııa, magnıt, ýltradybystyq apparat túrleri qamtylǵan 11 arnaıy kabınet bar. Munda arnaıy bilim bar mamandar jumysqa isteıdi.
Ótken jyly «Munaıshy qamqory» jáne «Samruk-Kazyna Trust» damytý qory qaıyrymdylyq jasaý baǵytynda ekijaqty kelisim-shartqa qol qoıǵan. Nátıjesinde ońaltý ortalyǵyn qural-jabdyqpen bilikti mamandardy jumyspen ornalastyrýǵa múmkindik týdy.
Endi Nur-Sultan qalasyna qatynap júrgen búldirshinder Jańaózendegi ortalyqta em-dom alýǵa múmkindik týdy.
«Balamnyń 3 jasynda aýtızm bar ekenin bildik. Barlyq elge baryp keldik. Óz jerimizde bolǵany árıne jaqsy. Endi osy jerge kelip qaralatyn bolamyz. Paıdasy bar, balamen kóp jumystaný kerek. Áli de kóp mamandar kerek»,-dedi Farıza Shortanova.
«Qýanyshty habar estip jatyrmyz. Ońaltý ortalyǵy ashylyp jatyr eken. Rahmet, alǵysym sheksiz. Balam týylǵaly sal aýry bar topta. Qoldaý bildirip, demeýshilik kórsetken «ÓzenMunaıgaz« AQ úlken rahmet. Astanadaǵy ońaltý ortalyǵyna baryp keldik. Balam eshteńeni bilmeıtin, eshteńge de mán bermeıtin edi. Osynda jaqsy mamandar kelse, jaqsy jumystar atqarylyp, baldarǵa kómegi tıse degen úmittemin»,-dedi Bekjan Chalaev.
Jańaózende psıhonevrologııalyq aýytqýy bar, tirek qımyl apparaty buzylǵan, sal aýrýymen aýyratyn 1032 bala tirkelgen.
