Jańa týǵan náreste tikushaqpen aýrýhanaǵa jetkizildi
ASTANA. KAZINFORM — Búgin TJM Qazavıaqutqarý áýe kemesi keshe ǵana dúnıege kelgen balany sanavıatsııa jelisi boıynsha tasymaldaý úshin Bórli aýdany Aqsaı qalasyna ushyp shyqty. Bul týraly TJM baspasóz qyzmeti habarlady.
Náresteniń aýyr jaǵdaıyna baılanysty ony Oral qalasyndaǵy oblystyq kópsalaly balalar aýrýhanasyna shuǵyl jatqyzý qajet boldy.
Ár sekýndtyń mańyzdylyǵyn eskere otyryp, BQO TJD basshylyǵy densaýlyq saqtaý basqarmasymen birlesip, tikushaqty medıtsınalyq mekemeniń aýmaǵyna qondyrý týraly sheshim qabyldady.
— TJM ushqyshtarynyń joǵary kásibıliginiń arqasynda shuǵyl tasymal sátti júrgizilip, kishkentaı naýqas anasymen birge densaýlyq saqtaý qyzmetkerlerine aman-esen tabystaldy, — delingen habarlamada.
Aıta ketelik náresteni Óskemennen Rıdderge sanavıatsııamen jetkizgen edi.