Jańa tehnologııa men tsıfrlandyrýdaǵy jetistikterdi meılinshe qoldanýǵa tyrysamyz - dáriger
Mamannyń aıtýynsha, Prezıdent Nursultan Nazarbaevtyń «Qazaqstandyqtardyń ál-aýqatynyń ósýi: tabys pen turmys sapasyn arttyrý» atty Joldaýy barsha el azamattary úshin mańyzdy qujat bolyp tabylady.
«Memleket basshysynyń Qazaqstan halqyna arnaǵan kezekti Joldaýy kúlli elimiz úshin mańyzdy oqıǵa. Ol árbir qazaqstandyqtyń ál-aýqatynyń ósýine septigin tıgizedi. Prezıdent óziniń ár Joldaýynda halqymyzdyń áleýmettik jaǵdaıy men ómir súrý sapasynyń jaqsarýyna erekshe kóńil bóledi», - dedi professor.
Manas Ramazanov mańyzdy qujattyń medıtsınalyq qyzmet sapasyn arttyrýda tyń serpin bolatynyn aıtty.
«Biz, eldiń medıtsınalyq qaýymdastyǵy, Memleket basshysynyń Qazaqstan halqynyń ıgiligine baǵyttalǵan jobalaryna qoldaý kórsetemiz. Sonymen birge, ár medıtsınalyq qyzmetker óz jumys aýmaǵynda Prezıdent qoıǵan mindetterdi oryndaýǵa bar kúshin salatynyna senim bildiremin. Joldaýdyń densaýlyq saqtaý salasynyń máseleleri aıtylǵan 6-baǵytynda eń aldymen, aýyldyq jerlerde alǵashqy medıtsınalyq-sanıtarlyq kómektiń qoljetimdi bolýyn qamtamasyz etý qajettiligi atap ótildi. Memleket, Prezıdenttiń jeke ózi otandyq medıtsınanyń damýyna zor kóńil bólip keledi. Alǵashqy medıtsınalyq-sanıtarlyq kómek kórsetetin qyzmetkerleri yntalandyrý úshin 2019 jyldyń 1 qańtarynan bastap aýrýlardy emdeý isin basqarýdyń jańa tásilderin engizgen ýchaskelik medıtsına qyzmetkerleriniń jalaqysy kezeń-kezeńmen 20 paıyzǵa ósedi. Joldaýda kórsetilgen eń mańyzdy maqsattardyń biri - medıtsınany tsıfrlandyrýdy damytý. Keler jyldyń 1 qańtarynan bastap respýblıkadaǵy barlyq emhanalar men aýrýhanalar medıtsınalyq qujattardy qaǵazsyz, tsıfrlyq nusqada júrgizýge kóshýge tıis. 2020 jylǵa qaraı búkil turǵyndardyń elektrondyq densaýlyq pasportyn jasaýǵa, al osy arqyly kezekterdi joıýǵa jáne qyzmet kórsetý sapasyn arttyrý mindeti qoıyldy. Joldaýda onkologııalyq qyzmet kórsetýdi damytýǵa da erekshe kóńil bólingen», - dedi ol.
Búginde №7 qalalyq klınıkalyq aýrýhanada 2016-2019 jyldarǵa arnalǵan «Densaýlyq» memlekettik baǵdarlamasy sheńberinde álemdik deńgeıindegi ınnovatsııalyq ádisterdi, dıagnostıka men emdeý tásilderin engizý boıynsha sharalar júrgizilýde.
Statsıonarlardy naýqastarǵa qyzmet kórsetýdiń jańa standarttaryna kóshirý aıasynda klınıka 2018 jyldyń 1 shildesinen bastap medıtsınalyq qujattamany tsıfrlyq júrgizýge kóshti.
«Aldaǵy ýaqytta aqparattyq júıeni modernızatsııalaý kezinde jańa tehnologııa men esepteý tehnıkasy salasyndaǵy jetistikterdi meılinshe qoldanýǵa tyrysamyz», - dedi Manas Ramazanov.
