Jańa retteýshilik saıasat neni bildiredi
Elimizde «Qazaqstan Respýblıkasynyń keıbir zańnamalyq aktilerine kásipkerlik qyzmet salasyndaǵy jańa retteýshilik saıasatty engizý jáne QR Іshki ister organdarynyń jekelegen fýnktsııalaryn qaıta bólý máseleleri boıynsha ózgerister men tolyqtyrýlar engizý týraly» zań jobasy ázirlengeni belgili. Zań jobasy aıasynda Qazaqstandaǵy kásipkerlik qyzmet salasyndaǵy jańa retteýshilik saıasattyń maqsattary, mindetteri, bazalyq qaǵıdattary men jańa tásilderi zańnamalyq turǵydan bekitiledi. Sondaı-aq ishki ister organdarynyń keıbir fýnktsııalaryn qaıta bólý kózdeledi.
Departament dırektorynyń atap ótýinshe, ózara is-qımyldyń bazalyq qaǵıdattaryn jetildirý kásipkerlik sýbektileriniń memleketke senimin jáne bıznes-ortany retteýdiń tıimdiligin arttyrýǵa múmkindik beredi.
«Bul - talaptardy belgileý sharttaryn saqtaý; kásipkerlik sýbektileri úshin negizsiz retteýshilik talaptardy engizýge jol bermeý; memlekettik retteýdiń júıeliligi men dáıektiligi, buryn qabyldanǵan sheshimderdiń sabaqtastyǵy; sondaı-aq memlekettiń kásipkerlik sýbektilerine degen senimin arttyrý. Zań jobasynda kásipkerlik sýbektisi óndiretin jáne ótkizetin taýarlardyń, jumystardyń, kórsetiletin qyzmetterdiń adamdardyń ómiri men densaýlyǵy úshin qaýipsizdigin, olardyń zańdy múddelerin qorǵaýdy, qorshaǵan orta úshin qaýipsizdikti, Qazaqstan Respýblıkasynyń ulttyq qaýipsizdigin, memlekettiń múliktik múddelerin qorǵaýdy qamtamasyz etýden basqa, kásipkerlikti memlekettik retteý maqsattaryn keńeıtý, sondaı-aq el ekonomıkasynyń ósýin yntalandyratyn kásipkerlikti damytý úshin qolaıly jaǵdaılar jasaýdy aıqyndaý usynylady», dep túsindiredi Erık Jambylov.
Onyń aıtýynsha, munan basqa adamdardyń ómiri men densaýlyǵyn, qorshaǵan ortany qorǵaýǵa; ulttyq ekonomıkaǵa ınvestıtsııalar tartýdy yntalandyratyn retteýshi ortany jáne ınnovatsııalyq qyzmet úshin qolaıly ekojúıeni qalyptastyrýǵa; adal básekelestikti damytý úshin jaǵdaı jasaýǵa; kásipkerlerdiń iskerlik bedeline negizdelgen bıznesti adal, etıkalyq júrgizýdi yntalandyrýǵa; ózin-ózi retteýdi damytýǵa járdemdesýge jáne tutynýshylardyń quqyqtaryn qorǵaýǵa baǵyttalǵan retteýdiń jańa mindetteri aıqyndalǵan.
«Zań jobasynda rettegish quraldardy qalyptastyrý sharttaryn aıqyndaıtyn Kásipkerlik kodekste jańa bap kózdeledi. Rettegish quraldardy, onyń ishinde talaptardy qalyptastyrýdyń negizgi sharty azamattardyń densaýlyǵyn, ekologııany, memlekettiń qorǵanysy men qaýipsizdigin qorǵaý bolyp sanalady. Osylaısha, memleket engizgen kez kelgen bıznes talaby azamattardyń densaýlyǵyn, ekologııany, memlekettiń qorǵanysy men qaýipsizdigin qorǵaýǵa baǵyttalýy kerek», - dedi ol.
Al «1 in 2 out» qaǵıdatyn engizý, ol bireýin engizý kezinde qoldanystaǵy eki talapty alyp tastaýdy kózdeıdi.
Osyǵan oraı Erık Jambylov Kásipkerlik salasyndaǵy mindetti talaptardyń tizilimin engizý degenimiz ne ekendigin túsindirip berdi.
«Tizilim normatıvtik-quqyqtyq aktilerdiń jáne normatıvtik-tehnıkalyq qujattardyń, sondaı-aq kásipkerlik sýbektilerine qoıylatyn talaptardyń derekqory sanalady. Tizilimde normatıvtik-quqyqtyq aktilerdiń jańa retteýshilik saıasatqa sáıkestigin qaraý merzimderi aıqyndalatyn bolady. Sáıkes kelmegen jaǵdaıda quqyqtyq aktiler qaıta qaralýǵa nemese joıylýǵa tıis. Tizilim mynalardy qamtamasyz etýge múmkindik beredi: kásipkerler úshin – kásipkerlik qyzmettiń jekelegen túrleri bólinisinde kásipkerlik sýbektilerine qatysty qoldanylatyn talaptardyń barlyq jıyntyǵynyń sany, quramy, qoldanylý merzimderi jáne ózara baılanysy týraly tolyq kórinisti; tutynýshylar úshin – kásipkerlik sýbektilerine qoıylatyn qoldanystaǵy talaptar týraly aqparattyń qarapaıymdylyǵy men qoljetimdiligin», - dedi departament dırektory.
Zań jobasy memlekettik baqylaý júıesin jetildirýdi de kózdeıdi. Osy rette UEM ókili jańa tásil tek ruqsat berý talaptaryna sáıkestigin tekserýdi jáne naqty faktiler men mán-jaılar boıynsha taǵaıyndalatyn jospardan tys tekserýlerdi kózdeıtindigin aıtady. Erekshe tártip boıynsha (8 salada) júrgiziletin tekserýler táýekel dárejesin baǵalaý negizinde joıylady. Bul rette zań jobasynda osy salalarda qadaǵalaý fýnktsııasyn – ákimshilik isterdi qozǵamaı jedel den qoıý isharalaryn qoldaný arqyly aldyn alý baqylaýdy kúsheıtý usynylady.
Sondaı-aq, zań jobasynda: baqylaýdyń jańa nysanyn engizý-kásipkerlik sýbektilerin zańsyz jaýapkershilikke tartý múmkindigin boldyrmaı, zańnamanyń shynaıy buzýshylaryn anyqtaýǵa múmkindik beretin tergeý; baqylaýshy memlekettik organdardyń aldymen profılaktıkalyq baqylaýdy barmaı-aq júrgizý, sodan keıin ǵana profılaktıkalyq baqylaý nátıjeleri boıynsha barmaı-aq kásibı baqylaýdy barý arqyly júrgizý mindetin bekitý qarastyrylady.
«Ákimshilik júktemeni tómendetý maqsatynda esep berý avtomattandyrylmaǵan jaǵdaıda ony talap etýge zań júzinde tyıym salý kózdelýde. Osylaısha, memlekettik organ, eger ol eseptilikti balamaly – elektrondyq nysanda berý múmkindigin qurmasa, eseptilikti qaǵaz nysanynda usynýdy talap ete almaıdy», - dep atap ótedi spıker.
Sonymen qatar zań jobasynda ishki ister organdaryn halyqtyń kóshi-qony salasyndaǵy vedomstvoaralyq úılestirýmen, kóshi-qon protsesteriniń monıtorıngimen, eńbekshi kóship kelýshilerge ruqsattar berýmen baılanysty fýnktsııalaryn Eńbek jáne halyqty áleýmettik qorǵaý mınıstrligine berý arqyly beıindi emes qyzmetten bosatý kózdelgen. Sonymen qatar Densaýlyq saqtaý mınıstrligine ustalatyn adamdardy medıtsınalyq qamtamasyz etý jónindegi fýnktsııalar men ókilettikterdi: qylmystyq-atqarý júıesiniń tergeý ızolıatorlarynda 2022 jylǵy 1 shildeden; qylmystyq-atqarý júıesi mekemelerinde 2023 jyldyń 1 qańtarynan bastap berý qarastyrylady. Al jergilikti atqarýshy organdarǵa probatsııa qyzmetiniń esebinde turǵan adamdarǵa áleýmettik-quqyqtyq kómek kórsetý jónindegi fýnktsııalardy berý jolymen bosatý josparlanǵan.
«Fýnktsııalardy berý bóliginde qabyldanatyn sharalar kóshi-qon saıasatyn qalyptastyrýdy, tergeý ızolıatorlary men qylmystyq-atqarý júıesi mekemelerinde ustalatyn adamdarǵa kórsetiletin medıtsınalyq kómektiń sapasyn jaqsartýǵa, ómirlik qıyn jaǵdaıda júrgen adamdarǵa arnaýly áleýmettik qyzmetter kórsetý jónindegi fýnktsııalardyń qaıtalanýyn boldyrmaýǵa múmkindik beredi», - dedi Erık Jambylov.
