Jańa Orlean túrmesinen 10 tutqyn qashyp ketti
ASTANA. KAZINFORM - ABC news telearnasynyń habarlaýynsha, tutqyndar juma kúni qashyp ketken. Bılik tutqyndarǵa túzeý mekemesiniń qyzmetkerleri kómektesýi múmkin dep esepteıdi, dep habarlaıdy Kazinform agenttiginiń tilshisi.
Orlean okrýginiń sherıf keńsesiniń qyzmetkerleri qashqyndardyń qarýly jáne qaýipti bolýy múmkin ekenin eskertti.
Qashqyndardyń biri Kendall Maılz sol kúni ustaldy. Ol qalanyń eń tanymal týrıstik aımaqtarynyń biri Frantsýz kvartalynan tabyldy.
Sheneýnikterdiń aıtýynsha, Maılz qonaqúıdiń garajyndaǵy kólik astyna tyǵylǵan.
Bastapqyda túrmeden 11 adamnyń qashyp ketkeni habarlanǵanymen, keıin bul sottalýshylardyń biri qashý aldynda basqa kameraǵa aýystyrylǵany belgili boldy.
Buǵan deıin AQSh-tyń Las-Vegas qalasyndaǵy sport zalynda atys bolyp, eki adam qaza tapqany belgili bolǵan edi.