Jańa oqý jylynda jataqhana men ınternatta turýdyń tártibi qandaı

NUR-SULTAN. QazAqparat – QR bas sanıtar dárigeri Erlan Qııasovtyń jańa qaýlysymen jataqhana men ınternatta turýdyń tártibi bekitildi, dep habarlaıdy QazAqparat tilshisi.

«Bilim berý uıymdarynyń ınternattary men jataqhanalarynda turý sanıtarııalyq qaýipsizdik sharalaryn saqtaı otyryp, jobalyq qýatqa sáıkes júzege asyrylady», - dep jazylǵan qujatta.

Sonymen, bas sanıtardyń qaýlysy boıynsha jatqhanamen ınternattardy myndaı saqtyq sharalary saqtalýy kerek:

- Bilim berý uıymdarynyń ınternattary men jataqhanalarynda bos ýaqytty jáne ózge de buqaralyq is-sharalardy ótkizý toqtatylady. Úı-jaılardyń sanıtarııalyq óńdelýine jáne belgilengen ótkizý rejıminiń qamtamasyz etilýine baqylaý kúsheıtiledi.

- Internattar men jataqhanalarda bógde adamdardyń bolýyna jol berilmeıdi.

- Internattyń, jataqhananyń árbir qabaty janaspaıtyn shashyratqysh dıspenserlermen nemese olardy qosymsha quıý úshin dezınfektsııalaý eritindisi bar sanıtaızerlermen jabdyqtalady.

- Internattar men jataqhanalarda turatyn stýdentter 14 kúndik karantınge oqshaýlanǵan ýaqytta dúkender men dárihanalarǵa shyǵýdy qospaǵanda, turaqty turatyn jerlerge nemese ózge de oryndarǵa shyǵýyna jol berilmeıdi.

- Bilim berý uıymy jataqhanadan shyqqannan keıin oralǵan bilim alýshynyń densaýlyq jaǵdaıyna oralǵan kúninen bastap kúntizbelik 14 kún ishinde monıtorıng júrgizedi.

- Internattarda, jataqhanalarda mynadaı epıdemııaǵa qarsy is-sharalar júrgiziledi:

1) bilim alýshylardyń dene temperatýrasynyń joǵarylaýy nemese jiti respıratorlyq vırýstyq ınfektsııanyń ózge de belgileri jaǵdaılary jýrnalda tirkeledi;

2) táýekel toptaryn eskere otyryp, sozylmaly aýrýlary bar bilim berýshilerge erekshe baqylaý qamtamasyz etiledi.