Jańa kodeks Mańǵystaý ekologııasyn jaqsartýdyń negizgi quralyna aınalady - mınıstr
Otyrysqa Mańǵystaý oblysynyń ákimi Serikbaı Trumov jáne óńirdiń iri ónerkásip kásiporyndarynyń basshylary, ekologııa salasyndaǵy sarapshylar jáne qoǵam belsendiler qatysty.
«Bıyl qabyldanǵan jańa ekologııalyq kodeks, negizgi jáne qajetti qujattardyń biri bolyp tabylady, onyń ishinde ónerkásibi damyǵan Mańǵystaý oblysy úshin mańyzy joǵary. Sondyqtan, onda kórsetilgen talaptardy iske asyrý - tabıǵat paıdalanýshylar men jalpy jurtshylyq úshin negizgi vektor», - dedi Mańǵystaý oblysynyń ákimi Serikbaı Trumov.
Óńirdegi ekobelsendiler men qoǵam qaıratkerleri mańyzdy qujattyń bıoalýantúrlilikke keletin zııandy azaıtýǵa baǵyttalǵanyn erekshe atap ótti. Ónerkásip kásiporyndary jańa zańnama boıynsha qorshaǵan ortaǵan shyǵaryndylardy azaıtýǵa baǵyttalǵan jumysqa belsene kirisýge daıyn ekenderin jetkizdi.
Mınıstr Maǵzum Myrzaǵalıev ekologııalyq kodeks ekonomıkalyq yntymaqtastyq jáne damý uıymy elderiniń tájirıbesin eskere otyryp, halyqaralyq tájirıbe negizinde ázirlengenin aıtty.
«Ekologııalyq kodekstiń mańyzy – onyń adam ómiri men densaýlyǵy, qolaıly ómir súrý ortasyn qamtamasyz etý, iri jáne shaǵyn bıznestiń qyzmetin, olardyń qorshaǵan ortany qorǵaý salasyndaǵy qyzmetin retteý sııaqty búkil qoǵamnyń múddelerine áser etetindiginde. Kodeks Qazaqstandaǵy, sondaı-aq Mańǵystaý oblysyndaǵy ekologııalyq jaǵdaıdy jaqsartýdyń negizgi quralyna aınalady», - dedi mınıstr.
Vıtse-mınıstr Ahmetjan Pirimqulov kodekstiń negizgi baǵyttary retinde «lastaýshy tóleıdi jáne túzetedi» qaǵıdatyn iske asyrý, eń ozyq qoljetimdi tehnologııalardy engizý, tabıǵat qorǵaý is-sharalaryna bıýdjet qarajatyn maqsatty jumsaý, úzdik halyqaralyq tájirıbe negizinde ekologııalyq talaptardy qatańdatý, monıtorıngtiń avtomattandyrylǵan júıesin engizý jáne óndiris pen tutyný qaldyqtaryn basqarýdy jetildirý, onyń ishinde «waste to Energy» engizý jáne taǵy basqalardy atap ótti.
«Jańa Ekologııalyq kodekske sáıkes, 2022 jyldan bastap jergilikti atqarýshy organdar kórsetilgen barlyq somany, ıaǵnı 100% túsimdi tabıǵatty qorǵaý sharalaryna jumsaýǵa tıis. Al iri kásiporyndardy ekologııalandyrý úshin olar 10 jyl ishinde eń ozyq qoljetimdi tehnologııalardy engizedi. Bul ýaqytta olar emıssııa úshin tólemnen bosatylady. Eger kásiporyndar EOQT-ǵa kóshpese emıssııa tólemderi 2025 jyldan 2 esege, 2028 jyldan bastap 4 esege, 2031 jyldan 8 eseege ósedi», - dedi vıtse-mınıstr.
Mańǵystaý oblystyq «Tabıǵı orta» aımaqtyń qaýymdastyǵynyń keńes tóraǵasy, eko-ambassador Ádilbek Qozybaqov kodekstiń bıoalýantúrlilikti saqtaýǵa qosatyn úlesine toqtaldy.
«Ekokodekste bıosanalýandyq túsinigi keńinen túsindiriledi. Sonymen birge bıoalýantúrlilikti saqtaý sharalary ıerarhııa boıynsha, ıaǵnı keltiretin qaýipke qaraı qarastyrylady. «Tabıǵı orta» qaýymdastyǵynyń bıoresýrstardy saqtaý jónindegi ınspektsııasy tek brakonerlikpen kúreste ǵana emes, birinshi dárejeli kásiporyndardyń kodeks talaptaryn saqtaýdyń memlekettik qadaǵalaýyna da kómektesýge daıyn», - dedi uıym ókili.
Atap óteıik, ekologııalyq kodeks sheńberinde kásipkerlik, qylmystyq, sý kodeksteriniń jáne basqa birqatar zańnama normalary qaıta qaralady, sondaı-aq zań jobasyn iske asyrý sheńberinde 140-qa jýyq normatıvtik-quqyqtyq aktiler qabyldanady.
Mysaly, emıssııa normasynan asqan jaǵdaıda kásiporynǵa salynatyn aıyppul 10 ese, atmosferalyq aýany qorǵaý men órt qaýipsizdigi talaptaryn saqtamaý boıynsha aıyppul 5 esege ósti.
Jeke tulǵany ákimshilik jazaǵa tartý uzaqtyǵy 2 aıdan - 1 jylǵa, zańdy tulǵaǵa 1 jyldan - 3 jylǵa kóbeıdi.
