Jańa qaýly: Almatyda «Ashyk» jobasyna qatysatyn obektilerge jumys ýaqyty belgilenbeıdi
«Ashyk» jobasyna qatysatyn obektiler úshin Qazaqstan Respýblıkasynyń bas memlekettik sanıtarııalyq dárigeri m.a. 27 qańtardaǵy №7 qaýlysyna sáıkes, kelýshiler mártebeleri beıtarap (kók) nemese qaýipsiz (jasyl) bolǵan jaǵdaıda, óńirlerdegi epıdemıologııalyq jaǵdaıdy baǵalaý matrıtsasyna sáıkes; «jasyl» aımaqta (tómen epıdemıologııalyq qaýip) - shekteýsiz qyzmet, «sary» (ortasha epıdemıologııalyq qaýip) jáne «qyzyl» (joǵary epıdemıologııalyq qaýip) aımaqtarynda – obektilerdiń toltyrylýyna shekteýler qoıyla otyryp júzege asady.
Mekteppke deıingi uıymdarda ata-analardyń ótinishteri boıynsha, 1-4 bastaýysh synyptar (halyqaralyq mektepterde 5-6 synyptar), mektepten tys uıymdarda shtattyq rejımde oqytý formatyna ruqsat beriledi.
Kolledjder men joǵary oqý oryndarynda - aralas formatta, praktıkalyq, zerthanalyq, semınarlyq sabaqtar, óndiristik praktıka ıkemdi - keste boıynsha shtattyq rejımde, dárister onlaın formatta, bilim berý uıymy ákimshiliginiń qalaýy boıynsha vaktsınalaýdyń tolyq kýrsyn alǵan oqýshylardy shtattyq formatta oqytýǵa jol beriledi.
KVI naýqastarymen baılanysta bolǵan adamdarǵa revaktsınatsııanyń nemese Covid-19-ǵa qarsy vaktsınatsııanyń tolyq kýrsyn alǵany týraly qujattyq rastaý bolǵan jaǵdaıda, úı karantınine oqshaýlanbaıdy.
Almaty qalasynyń bas memlekettik sanıtarııalyq dárigeriniń jańa qaýlysynyń tolyq mátinin osy jerden oqı alasyzdar.
