Jańa ındýstrııalandyrýdyń jarqyn joly Shyǵystan bastalǵan

ASTANA. QazAqparat - Elbasy Qazaqstannyń altyn táji ataǵan Shyǵys Qazaqstan elimizdegi jańa ındýstrııalandyrý dáýiriniń alǵashqy qadamy jasalǵan aımaq bolýymen erekshe. Qazaqstandaǵy 30 serpindi jobanyń biri - «Jańa metallýrgııa» jobasy Óskemendegi «Qaztsınk» kompanııasynda osydan segiz jyl buryn alǵash qolǵa alynyp, 2010 jyly oblys ortalyǵynda dúnıe júzindegi eń ozyq tehnologııamen salynǵan mys zaýyty iske qosylyp, eldegi eń birinshi serpindi ındýstrııalyq jobalardyń biri júzege asyryldy. Qazaqstan Prezıdenti sapasy asa joǵary mys óndirýge múmkindik bergen jańa zaýytqa «Jańa metallýrgııa» - Qazaqstanda bastalyp jatqan ındýstrııalyq saıasattyń jarqyn mysaly, ındýstrııalandyrý jolymen alynǵan qazaqstandyq eń alǵashqy jańa, túpki ónim» degen baǵa berdi, dep jazady «Dıdar» gazeti.

Qazirgi kúni oblystyń ındýstrııalandyrý kartasyna somasy 1 trıllıon 159,9 mlrd. teńge bolatyn 82 joba engizilip otyr. Jobalardyń 75 paıyzy joǵary qaıtarymdy. Aımaqtyń ınvestıtsııalyq belsendiligin aıqyn kórsetip otyrǵan bul jobalar 19 myń jumys ornyn ashýǵa múmkindik bermek. Ótken jartyjyldyqtyń qorytyndysy ındýstrııalyq jobalardyń 27-si 90 paıyzdan joǵary qýatynda jumys istep jatqanyn kórsetip otyr. Toǵyz joba negizgi qýatynyń 50-90 paıyz kóleminde, eki joba jartylaı qýatynda jumys istep jatyr. 

Indýstrııalandyrý kartasynyń iske asyrylýy kezeńinen bastap óńirde 236 mlrd. teńgeniń 48 jobasy júzege asyrylyp, jeti myńnan astam jumys orny ashyldy. Kartaǵa engizilgen jobalar boıynsha bıylǵy jyldyń alty aıy ishinde 83,3 mlrd. teńgeniń ónimi óndirilip, bıýdjetke 3,7 mlrd. teńgeniń salyǵy men tólemi túsken.

Táýelsizdik jyldary ishinde, ásirese ındýstrııalandyrý kartasy qolǵa alynǵan ındýstrııaldy-ınnovatsııalyq strategııamyzdyń júzege asqan alǵashqy besjyldyǵynda elimizben birge oblysta JІÓ kórsetkishi ulǵaıyp, óndirilgen ónimniń shetelge eksporttalýy artty. Oblystaǵy «Qaztsınk», «Óskemen TMK» sııaqty iri kásiporyndardyń túpki ónimderi, «Azııa Avto», «SemAZ», «Óskemen qus fabrıkasy», Óskemen armatýra zaýyty, «Qazaqtsement» óndirisin ulǵaıtyp, qaıta jaraqtandyrylǵan taǵy da basqa shaǵyn jáne orta kásiporyndardyń jańa ónimderi, joǵary tehnologııaly óndiristeri óńir ekonomıkasynyń damýyna, áleýmettik jaǵdaıdyń jaqsarýyna úlken yqpal etti. Jyl saıyn ashylyp jatqan, zamanaýı jańa tehnologııalarǵa kóship jatqan mundaı kásiporyndar týraly gazet betinde «Indýstrııalandyrý kartasy» atty aıdarmen únemi jazylyp keledi.

Oblystyń ındýstrııalandyrýdyń jańa deńgeıine kóterilýine aımaqtaǵy kásiporyndardyń ınnovatsııalyq jobalary aıryqsha serpin berip otyr. Qazaqstan Prezıdenti tapsyryp otyrǵan ınnovatsııalyq óndirister qurý, jańa bastamalardy qoldaý sharalary táýelsizdik jyldarynda qol jetip otyrǵan eń basty ekonomıkalyq jetistikterdiń, qundylyqtardyń biri dep aıtýymyzǵa bolady. Kez kelgen ujym, kásiporyn, óńirdegi kez kelgen kásipker óziniń jańa bastamasyn, kásibin usynyp, ashyp qana qoımaı, memleket tarapynan qoldaý kórip otyr. Byltyr Shyǵys Qazaqstan kásiporyndarynyń ınnovatsııalyq belsendiligi respýblıkalyq orta kórsetkishten tórt paıyzǵa joǵary boldy. Bizdiń oblys ınnovatsııalyq belsendiligi jaǵynan Astana men Almatydan keıingi úshinshi orynda tur. Bul - aımaqta Qazaqstan ekonomıkasynyń órkendeýine alǵyshart bolyp otyrǵan suranysqa saı jańa ónimderdiń shyǵarylyp jatýynyń, eńbek ónimdiligin arttyrýǵa múmkindik beretin jańa óndiristerdiń ashylyp otyrýynyń, tyń ıdeıalar men bolashaǵy baıandy jobalardyń júzege asyrylyp jatqandyǵynyń jarqyn dáleli.

Aımaqta ındýstrııalyq-ınnovatsııalyq damý baǵdarlamasyn tıimdi júrgizip, ekonomıkany órkendetýge áleýetti ınvestorlar izdestirý jumystaryn shıratyp, ınvestıtsııalyq jaǵdaıdy jaqsartý úshin qańtar aıynda oblys ákiminiń nusqaýymen ınvestıtsııa tartý jónindegi aımaqtyq keńes quryldy. Qazir keńes óńirdegi ázir turǵan jobalarǵa qarjy salatyn bıznesmendermen, kompanııalarmen kelissóz júrgizýmen qatar jańa jobalar daıarlaý baǵytynda jumys istep jatyr. Jańa ındýstrııalandyrýdyń jarqyn joly bastalǵan Shyǵysta el ekonomıkasyn órkendeter jobalar ındýstrııalandyrýdyń ekinshi besjyldyǵynda da azaımaq emes.

Janargúl Kókenaı