Jańa Bıýdjet kodeksiniń jobasy kópshilik talqylaýǵa shyǵaryldy
Jarııalanǵan jańa Bıýdjet kodeksiniń jobasy myna mindetteri oryndaýǵa baǵyttalǵan:
1. Qoldanystaǵy bıýdjet zańnamasymen sabaqtastyq jáne normalardyń redaktsııalaryn ekiushty túsindirý men jetildirýdi qospaǵanda mazmunnyń aktamdylyǵyn qamtamasyz etý;
2. Nátıjege baǵdarlanǵan bıýdjetteý qaǵıdatyn kúsheıtý;
3. Memlekettik qarjyny basqarýdyń negizgi quraldaryn belgileý bóliginde kodeksti retteý órisin keńeıtý;
4. Bıýdjettik protseske qatysýshylardyń derbestigi men jaýapkershiligin arttyra otyryp, bıýdjettik qujattardyń kezeńderi men sanyn qysqartý jolymen bıýdjettik protsesti ońaılatý;
5. Ulttyq qordyń qarajatyn tek synı ınfraqurylym obektilerine jáne jalpyhalyqtyq mańyzy bar obektilerge paıdalanýdy shekteý;
6. Ekonomıkalyq yntymaqtastyq pen damý uıymy usynymdaryna sáıkes, Parlamentke jarııalanatyn jáne usynylatyn bıýdjettik aqparattyń sanyn ulǵaıtý jáne sapasyn kóterý arqyly transparenttilikti, eseptilikti jáne ashyqtyqty qamtamasyz etý.
«Bıýdjet kodeksiniń jańa redaktsııasy Qazaqstannyń neǵurlym tıimdi jáne ashyq bıýdjet júıesin qurýǵa, Memleket basshysy qoıǵan mindetterdi iske asyrýǵa, bıýdjettik protseske qatysýshylardyń ókilettikteri men jaýapkershiligin naqtylaýǵa jáne naqty aıqyndaýǵa múmkindik beredi. Sonymen qatar, bıýdjettik rásimderdi retke keltirýge, salynǵan bıýdjet qarajatynan nátıjelilikti arttyrýǵa, bıýdjet salasynda naqty memlekettik retteýdi qamtamasyz etýge baǵyttalatyn bolady. Tutastaı alǵanda, zań jobasyn qabyldaý eldiń turaqty damýyn jáne onyń qarjysynyń uzaq merzimdi ornyqtylyǵyn qamtamasyz etýge baǵyttalǵan jaǵdaılar jasaýǵa múmkindik beredi», - delinigen qujatta.
Jobada kórsetilgendeı, Bıýdjet kodeksin qabyldaý úshin respýblıkalyq bıýdjetten qarajat talap etilmeıdi.
Jańa kodekstegi ózgerister týraly tolyq málimetti myna silteme boıynsha ótip, kórýge bolady.
Qujat 31 mamyrǵa deıin kópshilik talqylaýda bolady.
Eske sala ketsek, byltyr qyrkúıekte jańa Bıýdjet kodeksiniń jobasyn ázirleýdi tapsyrǵan edi.
