Jańa belesterdi baǵyndyrý

ASTANA. QazAqparat - Qazaqstan Respýblıkasynyń Prezıdenti Nursultan Ábishuly Nazarbaev Ult jospary kiris­pesinde:

 «100 naqty qadam» - bul Jahandyq jáne ishki syn-qater­lerge jaýap jáne sonymen, bir mezgilde, jańa tarıhı jaǵdaı­lar­da ulttyń damyǵan memle­ket­terdiń otyzdyǵyna kirýi jó­nin­degi jospary» dep atap kórset­-ken bolatyn. Belgili qoǵam jáne mem­leket qaıratkerleri kóptegen bedeldi mekemelerdiń basshy­lary da atalǵan reformanyń ma­ńyzy týraly oı-pikirlerin or­taǵa salyp, halyqpen emen-jarqyn bólisken bolatyn. Pikir bildirýshilerdiń alǵashqy qa­ta­ry­nan tabylyp, óz kózqarasyn naqty jetkizip, oıǵa oı qosqan­dardyń biri - ál-Farabı atyn­daǵy Qazaq ulttyq ýnıver­sı­tetiniń rektory, akademık Ǵa­lym­qaıyr Mutanuly Mutanov boldy.

«Maqsatymyz - máńgilik el» («Egemen Qazaqstan», 13 mamyr 2015, №88) atty maqalasynda ál-Farabı atyndaǵy QazUÝ bas­shysy: «Ekonomıkany transfor­matsııalaý keleshegi kóp jaǵdaıda otandyq ýnıversıtetterge baı­la­­nysty. AQSh, Japonııa, QHR, Fınlıandııa sııaqty tabysty da­myǵan elderdiń tájirıbesi kór­se­tip otyrǵanyndaı, joǵary teh­­­nologııaly óndiristi qalyp­tas­tyrý men damytý qýatty da iri ýnıversıtetterdiń negizinde jáne olardyń belsene qatysýy arqyly júrgizilgendigin kórsetip otyr. Osyǵan oraı, Qazaqstan ýnıversıtetteri de eldiń ınnova­tsııalyq júıesiniń úshtik serpinin qurýda óziniń zııatkerlik ornyn taýyp, básekege qabiletti maman­dar ustahanasy, jańa bilimder men ınnovatsııalardy óndirý or­talyqtary bolýǵa tıis, sóıtip, bi­limge negizdeletin ekonomıka­nyń naqty nysany bolýy qa­-jet» dep tujyrymdady, dep jazady Aıqyn.
Rasynda da, Ǵalymqaıyr Mutanov atap kórsetkendeı, mem­lekettik qurylymdar qata­rynda Qazaqstan ýnıversıtet­teri de eldiń ınnovatsııalyq jú­ıe­siniń úshtik serpinin qurýda óziniń zııatkerlik ornyn taýyp, básekege qabiletti mamandar us­tahanasyn, jańa bilimder men ınnovatsııalardy óndirý orta­lyq­taryn kúsheıtýi qajet, sóı­tip, bilimge negizdeletin ekono­mı­kanyń naqty nysanyna aına­lýy tıis. Naqty is-qımyldar ál-Farabı atyndaǵy Qazaq ult­tyq ýnıversıtetiniń qabyrǵa­synda belgili dárejede júzege asyp jatyr. Endi solardyń bi­razyna toqtalyp ótsek deımin.

Álemniń jetekshi ýnıver­sı­tetteri úlgisimen Qazaq ulttyq ýnı­versıtetinde halyqara­lyq joǵary standartqa saı jáne halyqaralyq tirkeýden ótken tájirıbelik bilim baǵdar­lama­lary oqý úderisine engizildi. Ýnı­versıtettiń jemisti jumys qo­rytyndylarynyń biri - álemdik jetekshi joǵary oqý oryn­dary­nyń (EO, AQSh, MDP/Global Class­room, Japonııa, TMD jáne t.b.) eki dıplomdyq baǵ­darlamalaryn júzege asyrý isi boldy. QazUÝ zerthanalary Ros­tok ýnıversıtetinde (Almanııa), Karachı qalalyq ınstıtýtynda (Pákistan) ashylýy, sondaı-aq «ál-Farabı ortalyǵynyń» Ior­danııada iske kirisýi, «Kampýstaǵy kampýs» atty jobanyń Tsýkýba ýnıversıtetimen (Japonııa) bir­likte júzege asyryla bastaýy da aıtarlyqtaı tabystar bolyp sa­nalady. 

Qazaqstanda alǵash ret Qazaq ulttyq ýnıversıteti bazasy negi­zinde halyqaralyq UNIFORM stýdenttik jobasyn júzege asyrý aıasynda Tokıo ýnıversıtetimen birge «Ál-Farabı-1», «Ál-Fa­ra­bı-2» ǵylymı-tehnologııalyq na­nospýtnıkter jasalyp shyq­ty. Sondaı-aq «Indýstrıal­dy-ın­novatsııalyq damýdyń memle­ket­­tik baǵdarlamasy - 2» (IIDMB-2) boıynsha kadrlar daıyndalýda.
2014 jyldyń tamyz aıynda qol qoıylǵan QazUÝ men Ha­lyqaralyq bilim boıynsha ame­rı­kalyq keńes (ACCELS, AQSh) arasyndaǵy yntymaqtastyq tý­raly eki jaqty kelisim amerı­kalyq joǵary oqý oryndarymen tyǵyz qarym-qatynas ornatýǵa múmkindik berdi. Qatarynan eki jyl 26 amerıkalyq stýdentter orys jáne qazaq tilin ál-Farabı atyndaǵy Qazaq ulttyq ýnıver­sıtetiniń fılologııa jáne álem tilderi fakýltetinde úırenedi. Sheteldikterdiń Eýropa ýnıver­sıtetterine qaraǵanda Qazaqstan ýnıversıtetterin tańdaýy - eli­mizdiń jáne ulttyq joǵary bilim berý júıesiniń tanymaldyly­ǵynyń kórsetkishi. Bul aıtqany­myzǵa dálel bolatyn jáne bir jaıt, Great Value Colleges ha­lyqaralyq uıymynyń zertteý nátıjesi boıynsha ál-Farabı atyndaǵy QazUÝ 31-oryndy ıelenip, álemniń 50 tehnolo­gııa­lyq turǵyda damyǵan ýnıver­sıteti quramyna endi. Reıtıngte atalǵan qazaqstandyq JOO TMD ǵana emes, Shyǵys jáne Orta­-lyq Eýropa qatysýshy-elderiniń jal­ǵyz ókili bolǵanyn, sondaı-aq Sıngapýr, Japonııa elderimen qatar barlyq Azııa kontınentin tanystyrǵanyn atap ótýimiz ke­rek. 
JOO damýynyń sapaly kór­setkishterin baǵalaý salasynyń kóshbasshysy - QS (Ulybrı­ta­nııa) reıtıngtik agenttiginiń qo­ry­tyndysy boıynsha, QazUÝ álemniń eń úzdik 250 ýnıversıteti qataryna enip, 236-oryndy ıelendi. Aıta ketsek, bul topqa TMD elderinen eki JOO - Lomo­nosov atyndaǵy MMÝ men ál-Farabı atyndaǵy QazUÝ ǵana kirdi. Osylaısha, jetekshi qa­zaqstandyq ýnıversıtet Orta­lyq Azııa men TMD-daǵy teń­des­siz kóshbasshylyǵyn taǵy da dá­leldedi. QS sarapshylarynyń usynystary boıynsha QazUÝ tá­jirıbesi álemdegi úzdik ýnı­versıtetterde zerttelýde. Bul kór­setkish - álemdik bilim men ǵylym naryǵynda básekeles­tikke qabilettiliktiń aıqyn dá­leli. 
Túrki halyqtarynyń ha­lyqaralyq kongresi ál-Farabı atyndaǵy Qazaq ulttyq ýnı­ver­sıtetine «Túrki elderi arasyn­daǵy úzdik JOO» ataǵyn berdi. Álemniń alty akademııasynyń akademıgi, Túrki halyqtary ha­lyqaralyq kongresiniń prezı­denti, doktor ıAhıa Alıev bul she­shimniń 47 Túrki halyqtary men ulystaryn biriktirip otyrǵan halyqaralyq kongrestiń 2015 jylǵy jeltoqsan aıynda ótken otyrysynda biraýyzdan maquldanǵanyn atap kórsetti. 
Búginde QazUÝ-dyń álemniń ozyq tehnologııalyq joǵary oqý oryndary qataryna enýi onyń halyqaralyq deńgeıdegi zertteý ýnıversıtetine aınalý jolyn­daǵy baǵytynyń durys ekenin aıqyndaıdy. QazUÝ - quramyna 8 ǵylymı-zertteý ınstıtýtta­ryn, ǵylymı-tehnıkalyq jáne gýma­nıtarlyq baǵyttaǵy 30-dan as­tam ortalyqtar men zerthana­lardy biriktirgen elimizdegi eń iri ǵylymı-aǵartýshylyq jo­ǵa­ry oqý orny. Memleket qar­jy­landyratyn ǵylymı-zert­teý­lerdiń kóbi QazUÝ-da júzege asy­rylady jáne bólingen qar­jynyń 10%-y jas ǵalymdardy qoldaýǵa jumsalady. Ýnıver­sı­tet ǵalymdarynyń jobalary ti­keleı óndiriske engiziledi, al ǵy­lymı jumystary Scopus jáne Thomson Reuters málimetter ba­za­syna kiretin joǵary reıtıngti basylymdarda jaryq kóredi. QazUÝ - Thomson Reuters ha­lyqaralyq agenttiginiń tarapy­nan «Ǵylym salasynda jetken kórnekti jetistikteri úshin» atty arnaıy dıplomymen marapat­talǵan Qazaqstandaǵy birinshi jáne biregeı joǵary oqý orny bolyp otyr.
Qazirgi kezeńde QazUÝ-da álem­niń aldyńǵy qatarly JOO baǵdarlamalarymen salysty­-rýǵa bolatyn, biregeı bilim berý baǵdarlamalary júzege asyry­lýda. Bilim berý jáne ǵylym­-nyń ıntegratsııasy sheńberinde ýnıversıtette Hewlett-Packard, Microsoft, Cisco, Konika Minolta, FUJITSU, Samsung jáne t.b. dú­nıejúzine belgili kompanııa­lar­dyń ǵylymı oqytýshylyq orta­lyqtary jáne zerthanalary qu­ryldy. Sheteldik áıgili AQUIN jáne ASIIN agenttikteriniń al­dyńǵy qatarly tehnologııa­la­ryn, bilim berý baǵdarlama­-
la­ryn sátti akkredıtatsııasyn engizýine, sondaı-aq akade­mııa­lyq utqyrlyqtyń belsendi da­mýyna baılanysty ýnıversıtet sheteldik azamattardy kóbirek qyzyqtyrýda.
Ýnıversıtetimizdiń bedeli otan­dyq talapkerlerimizdiń or­ta­synda da artyp otyr. Muny biz bıylǵy oqý jylynda da Mem­le­kettik bilim berý granttarynyń sany boıynsha QazUÝ dástúrli túrde birinshi orynǵa ıe boldy. Bıyl ulttyq ýnıversıtettiń ba­kalavrıat bóliminde 3071 stýdent memlekettik grant negizinde bi­-lim alady. Olardyń kóbi «Altyn belgi», erekshe attestat ıegerleri jáne halyqaralyq, respýb­lı­kalyq olımpıadalardyń je­ńimpazdary.
Talapkerlerge qatysty ýnı­ver­sıtettegi jaǵymdy jańa­lyq­tardyń biri - 2015 jyldyń jel­toqsan aıynan bastap ál-Farabı atyndaǵy Qazaq ulttyq ýnıver­sıteti Ǵylymı keńesiniń sheshi-mi boıynsha Medıtsınalyq fa­kýltet - Qoǵamdyq densaýlyq saqtaý joǵary mektebiniń ashy­lýy. Ýnıversıtette halyqara­lyq standarttar jáne jańa ǵy­lymı jetistikter negizinde bilim berý baǵdarlamalarynyń bar­-lyq deńgeıi - bakalavrıat, ma­gıstratýra, rezıdentýra, dokto­rantýra boıynsha medıtsına­lyq ǵylymı mamandardy daıyndaý josparlanǵan.

Qoǵamdyq densaýlyq saqtaý joǵary mektebi (QDSJM) QazUÝ-daǵy on besinshi fakýl­tet. Medıtsınalyq baǵytty da­my­­týda Azııa men álemdegi je­tekshi joǵary oqý oryndary bo­lyp sanalatyn, Ońtústik Koreıa boıynsha úzdik úshtikke kiretin Seýl ýnıversıteti men Iense ýnı­versıteti QazUÝ-dyń serik­testeri bolyp otyr. Halyqara­lyq áriptestik negizinde QazUÝ Ońtústik Koreıa ýnıversıtetin­-de magıstratýra jáne dokto­ran­týra boıynsha bolashaq maman­dardy oqytýdy, sondaı-aq qo­ǵam­dyq densaýlyq saqtaý jáne medıtsına damýynyń ózekti má­selelerine baılanysty birles­ken ǵylymı-zertteý jobalaryn jasaýdy bastap ketti.
«Búgingi tańda QazUÝ álemde smart degen termınmen atala­tyn damý jolynyń jańa saty­syna keldi. Ýnıversıtettiń Al-Fa­rabi university - smart city jańa mo­deliniń túp negizinde uly ǵa­lym ál-Farabıdiń parasatty qala týraly ilimi jatyr. Ál-Fa­rabı «Qaıyrymdy qala turǵyn­dary» atty traktatynda ádil ári izgilikti sıpattaı kelip, ony qa­ıyrymdy qala dep ataǵan. Ol jer­de onyń basty belgileri re­tinde rýhanı baılyq jáne ómir súrýdi jaq­sartý jolyndaǵy árip­testik ekeni aıtylady. Osy jer­den qa­zirgi zamanmen úndestik kep shy­ǵady: Zamanaýı ýnıversı­tetter joǵary rýhanı-adamger­shilik deń­geıde jáne ónegeli damý jolyn­da bolýy kerek.
Jańa oqý jylynyń alǵashqy kúni QazUÝ-da stýdentter men tú­­lekterdiń Máńgilik el qaqpa­synyń resmı ashylý saltanaty ótti. Saltanatty qaqpa - Mem­le­ket basshysy, ult Kóshbasshysy Nursultan Ábishuly Nazarbaev­tyń Máńgilik el ıdeıasyn beı­ne­leıtin jáne Almaty qalasynyń taǵy bir kórikti mekenine, bilim men ǵylymnyń sımvolyna aı­nalatyn QazUÝ qalashyǵy jańa arhıtektýralyq kesheniniń ma­ńyzdy quramdas bóligi. Onyń ne­gizgi kompozıtsııalyq jelisi qaqpadan, ál-Farabı eskert­ki­shi­nen, «Temir qazyq» monýmenti men «Taıqazan» sý burqaǵy or­nalasqan alańnan turady. Qa­la­shyq aýmaǵyn kórkeıtýde ýnı­ver­sıtettiń ortalyq alańyn «ót­kennen bolashaqqa ǵylym joly» qaǵıdasymen salý jos­parlanǵan.
QazUÝ stýdentteri ózderiniń sporttyq sheberlikteri men jetken jetistikteri arqyly ýnı­versıtetimizdiń elimizdegi ǵana emes, sonymen qatar halyqara­lyq arenadaǵy úzdik oqý ordasy ekenin taǵy bir dáleldedi.
Rıodaǵy Olımpıada oıyn­daryna Qazaqstannyń ulttyq quramasynda QazUÝ-dyń 17 stý­denti sporttyń 6 túrinen: júzý, aýyr jáne jeńil atletıka, dzıýdo, erkin jáne grek-rım kúresinen baqtaryn synady. Ýnıver­sı­teti­mizdiń stýdentteri Rıo-de-Ja­neırodaǵy Olımpıada oıynda­rynda altyn júldeni; Dmıtrıı Balandın - halyqaralyq deń­geıdegi sport sheberi, Azııa chem­pıonatynyń kúmis júldegeri, sondaı-aq Inchhonda ótken (Oń­tústik Koreıa) XVII Azııa oıyn­darynyń brasspen júzý ádisi bo­ıynsha úsh dúrkin altyn me­dal ıegeri, kúmis júldeni; Eldos Smetov - dzıýdodan álem chem­pıony, halyqaralyq dáreje­degi sport sheberi, qola júldeni; Elmıra Syzdyqova - QR ha­lyqaralyq dárejedegi sport she­beri, Golden Gran-prı - 2013 ha­lyqaralyq týrnıriniń kúmis, 2014 jylǵy Azııa chempıonaty­nyń qola júldeleriniń ıegeri. Osy jerde atap ketetin bir úlken tabysymyz stýdenttik qalashyq aýmaǵynan júzý basseıniniń ashy­lýy boldy. Olımpıada chem­pıony atanǵan Dmıtrıı Balan­dın erler arasynda brass ádisi­men 200 metr qashyqtyqqa jú­zýden úzdik kórsetkishpen jeńis­ke jetkeni barshamyzǵa belgili. Bul - qazaq sporty tarıhyndaǵy Olımpıada oıyndarynda júzý­den alynǵan alǵashqy alty­ny­myz. Mine, onyń osy eren eńbegi elenip, ýnıversıtet stýdentiniń qurmetine basseınge Dmıtrıı Balandın esimi berildi. 
Qazaqstan Respýblıkasy Táýelsizdiginiń 25 jyldyǵyna oraı ál-Farabı atyndaǵy QazUÝ-dyń ǵylymı kitapha­na­synda Tuńǵysh Prezıdent oqý zaly ashyldy. Mundaı zaldyń elimizdiń úzdik joǵary oqý orny qabyrǵasynda ashylýynyń ózin­de úlken tárbıelik mán bar dep bilemiz, sebebi, Qazaqstannyń Tuń­ǵysh Prezıdentiniń ómir joly - Otanǵa sheksiz qyzmet etý­diń jarqyn kórinisi jáne jas urpaq úshin patrıottyqtyń na­-ǵyz úlgisi. 
Stýdentter men ǵalymdar, ási­rese, Memleket basshysynyń QazUÝ-da jáne basqa da JOO-da oqyǵan dáristerine erekshe qy­zyǵýshylyq tanytýda. QR Tuń­ǵysh Prezıdenti kitaphanasy­-men ornatylǵan yntymaqtastyq nátıjesinde zal oqyrmandaryna onyń sanaýly materıaldary da qoljetimdi bolyp tur.
«Keremet» stýdentterge qyz­met kórsetý ortalyǵy - oqý-aǵar­týshylyq, medıtsınalyq, zań­gerlik, qarjylyq jáne má­denı qyzmetterdiń bir tereze qaǵıdasy boıynsha stýdent jas­tarǵa arnalǵan resýrsty orta­lyq. Ortalyqtyń ınfraqu­ry­lymy 7300 sharshy metrge orna­las­qan jáne 8 pavılonnan, 5 sek­tor men bólimderden tu­-rady. «Keremette» ál-Farabı atyn­daǵy Qazaq ulttyq ýnıver­sıtetiniń stýdentteri men oqy­týshy-professorlyq quramy­nyń medıtsınalyq tekserýden ótýi úshin halyqaralyq Qazaq­stan - Koreıa dıagnostıkalyq ortalyǵy ashylǵan. Emdeý men keńes berýdi terapevt, gastroen­terolog, bala dárigeri, of­tal­molog, otorınolarıngolog, sy­nyqshy-ortoped, nevropatolog, kardıolog, ýrolog, akýsher-gı­nekolog dárigerler júrgizedi. Or­talyq nazarynan jastar saıa­saty máselesi de tys qalmaǵan. Jastar sektorynda kelesi ny­san­dar óz qyzmetterin usynady: kınoteatr, kafe, kitap dúkeni, ámbebap dúken, fotostýdııa, fast-food, sulýlyq salony, kıim jýa­tyn oryn.
QazUÝ-de Jas ǵalymdar úıi ashyldy. Bul Qazaqstandaǵy ma­gıstranttar men doktoranttarǵa arnalǵan alǵashqy turǵyn úı ke­sheni. Bizdiń keshen ózge ýnı­ver­­sıtetterge úlgi bolarlyqtaı. Se­bebi, Qazaqstandaǵy joǵary oqý oryndarynda mundaı turǵyn úı nysany joq. Ýnıversıtet bas­shylyǵy jas ǵalymdardyń turǵyn úı máselelesine óte kóp kóńil bóledi. Al ol óz kezeginde sa­paly kásibı maman daıyn­daý­-da oń nátıje berýde.
QazUÝ-de shetel joǵary oqý oryndarynan kelgen profes­sorlardy ǵylymı jetekshilik jasap júrgen stýdentterimen bir­ge jumys barysyndaǵy sát­terin osy jerde jıi kezdestirýge bolady. Jalpy aýmaǵy 4,5 myń sharshy metr bolatyn 500 orynǵa shaqtalǵan jas ǵalymdar úıinde professorlarǵa arnalǵan ból­meler de qarastyrylǵan. Sol arqyly jastardyń shyǵarma­shylyq jáne ǵylymı áleýetin kóterýge septigin tıgizetin ǵy­ly­mı-zııatkerlik orta qalyp­ta­sýda.
QazUÝ-degi áleýmettik serik­tes­­tik qaǵıdasyn iske asyrý for­malary, negizinen, qoǵamdyq-kásibı keńester men qoǵamdyq komıssııa túrinde qurylǵan. Áleý­mettik seriktestik qaǵıda­la­ryn júzege asyrýda ál-Farabı atyndaǵy QazUÝ jumysshy­la­rynyń «Parasat» kásipodaq uıymy, sonymen birge, «Suńqar» stýdentter kásipodaǵy tárizdi qoǵamdyq uıymdar belsendi qyzmet atqaryp otyr. 
Ál-Farabı atyndaǵy Qazaq ulttyq ýnıversıtetinde belsen­-di azamattyq ustanymy bar jas­tardy tárbıelep jatqan peda­go­gıkalyq tálimgerlik ınstıtýty óz jumysyn tıimdi atqaryp ja­tyr. Atalǵan maqsatqa saı ýnı­ver­sıtet kóleminde aýqymdy jo­balar qolǵa alyndy. Olar: «Aınalańdy nurlandyr!», «100 ki­tap», «Salaýatty ómir salty», «Grınkampýs», «Men jas­tarǵa senemin!» stýdent jas­tardyń patrıottyq festıvali, Al-Farabi university - smart city jáne t.b. 
QazUÝ-dyń áleýmettik ómirin­degi eń mańyzdy oqıǵa­lardyń biri 2016-2019 jyldar araly­ǵyna arnalǵan ýnıver­sı­tetimiz­diń ákimshiligi men ýnı­versıtet ujymy arasyndaǵy Ujymdyq ke­lisimshartqa qol ko­ıylýy. Ujym­dyq kelisim­shart­tyń ma­ńyzdylyǵy mem­le­keti­mizdiń «Qa­zaqstan - 2050» stra­tegııasy jáne Ult jospary - bes ınstı­týttyq reformany júzege asyrý boıynsha kórse­tilgen eńbek qa­tynastaryn ret­teý máselesinde. Ujymdyq keli­simshart, negizi­nen, áleýmettik-ekonomıkalyq, óndiristik jáne qaýipsiz eńbek­pen qamtamasyz etý tárizdi má­selelerdi sheshýge baǵyttalǵan qu­qyqtyq akt. Son­daı-aq ujym­dyq jáne jeke eń­bek daýlary bo­ıynsha múddeli jaqtardyń janjalǵa jibe­rilmeýiniń qu­quqtyq tásilderin anyqtaýǵa jáne ýnıversıtet qyzmetiniń barlyq baǵyttary boıynsha daýlasqan múddeli jaqtardy ózara kelisimge kelýin retteıtin qural qyzmetin atqa­rady. Nátı­jesinde, 2016 jyldyń naýryz aıynda, ál-Farabı atyn­daǵy Qazaq ulttyq ýnıversıteti qyz­metkerleriniń «Parasat» ká­sipodaǵy bastamasymen «Jeke eńbek daýlaryn qaraý tártibin retke keltirý úshin kelisim ko­mıs­sııasy» qurylyp, Ujymdyq kelisimshart baqylaýǵa alyndy. Ýnıversıtet boıynsha oqytý­shy-professorlardyń jumsaǵan eńbegi men tanylǵan jumys­ta­ryna qarap eńbekaqy tóleýdiń reıtıngilik júıesi is atqarýda. Korporatıvtik mádenıet boıyn­sha mańyzdy qujattar engizildi. Olardyń qataryna «Oqytýshy­lar men qyzmetkerlerdiń kor­pora­tıvtik mádenıet kodeksi» men «Stýdenttiń ar-namys ko­deksi» kiredi. «Jemqorlyqtan tys ýnıversıtet» jobasynyń aıa­synda basqarýshylyq qyzmet boıynsha jemqorlyqqa qarsy mehanızmder jumys istep tur. Sondaı-aq oqý úderisine jem­qorlyqqa qarsy tehnologııalar engizildi.
Aıtar oıdyń túıinin Qazaq­stan Respýblıkasy Prezı­denti­niń resmı saıtynda jarııalan­-ǵan «Ult jospary - qazaqstan­dyq armanǵa bastaıtyn jol» at­ty maqaladaǵy Elbasymyzdyń myna keltirgen joldaryna súıe­nip aıaqtasam deımin: Biz ózimizdiń jańa armanymyzǵa qaraı ja­qyndaýdy Bes ınstıtýttyq re­for­many júzege asyrý boıynsha 100 naqty qadam - Ult jos­-paryn jasaýdan bastadyq. Osy jańǵyrtýlarǵa sheshýshi ról be­rilip otyr. Olar Qazaqstandy, onyń ekonomıkasyn, memleket pen qoǵamdy ózgertetin tarıhı mindetter keshenin sheshýge dań­ǵyl jol salady. Olar plane­ta­daǵy asa damyǵan memleketterdi biriktiretin Ekonomıkalyq yn­ty­maqtastyq jáne damý uıymy­nyń standarttaryna sáıkes ke­letin eldi damytý, ekonomıkalyq ósim men barlyq qazaqstandyq­tardyń ómirin jaqsartý úshin jańa laıyqty jaǵdaılar qa­lyptastyrady. Bizdiń Qazaq­stany­myz serpindirek, laıyq­tyraq, senimdirek jáne dáýlet­tirek bolady». Iá, biz bul maq­sattardyń oryndalaryna sene­miz. Táýelsiz elimizdiń bilim men ǵylymnyń qasıetti ordasy sa­na­latyn ál-Farabı atyndaǵy Qa­zaq ulttyq ýnıversıtetinde jańa jetistikterge jetý jolyndaǵy naqty qadamdarǵa degen umty­-lys osynyń aıǵaǵy.

 T.MEKEBAEV, 
ál-Farabı atyndaǵy 
 QazUÝ qyzmetkerleriniń «Parasat»  kásipodaǵynyń tóraǵasy