Jańa astyq eksporty 9,8 mln tonnadan asty

ASTANA. KAZINFORM – «QTJ» UK» AQ derekterine sáıkes, 2024 jylǵy qyrkúıekten bastap 2025 jyldyń 10 tamyzyna deıin eksport kólemi 9,8 mln tonnany qurady. Bul týraly Aýyl sharýashylyǵy mınıstrliginiń baspasóz qyzmeti habarlady. 

Bul kórsetkish 2023–2024 jyldardaǵy osyndaı kezeńmen salystyrǵanda 55%-ǵa joǵary.

Jetkizilim kóleminiń edáýir artýy qazaqstandyq astyqtyń syrtqy naryqtarda joǵary suranysqa ıe ekenin kórsetedi ári eksport geografııasyn keńeıtý jáne logıstıkalyq ınfraqurylymdy jetildirý boıynsha júzege asyrylyp jatqan sharalardyń tıimdiligin dáleldeıdi.

Negizgi baǵyttar boıynsha jetkizilim dınamıkasy: Ózbekstan — 34,4%-ǵa ósti: 2,75 mln tonnadan 3,7 mln tonnaǵa deıin; Tájikstan — 46%-ǵa ósti: 960 myń tonnadan 1,4 mln tonnaǵa deıin; Aýǵanstan — 51,6%-ǵa ósti: 217 myń tonnadan 329 myń tonnaǵa deıin; Qyrǵyzstan — eki ese artty: 131 myń tonnadan 262 myń tonnaǵa deıin; Iran — 16 esege ósti: 61 myń tonnadan 974 myń tonnaǵa deıin; Ázerbaıjan — 121 esege ósti: 6 myń tonnadan 728 myń tonnaǵa deıin.

Eksporttyń oń serpini qazaqstandyq aýyl sharýashylyǵy ónimderiniń joǵary básekege qabilettiligin, sondaı-aq agroónerkásiptik keshendi damytý men eldiń eksporttyq áleýetin nyǵaıtýǵa baǵyttalǵan memlekettik qoldaýdyń nátıjeliligin aıǵaqtaıdy.

Buǵan deıin tamyzdyń alǵashqy onkúndiginde elimizde 1,2 mln tonna astyq jınalǵanyn jazǵan edik.