Jańa álipbıge kóshý: Emle erejeler taıaý ýaqytta daıyn bolady
«Elbasy Nursultan Ábishuly Nazarbaevtyń «Qazaq tili álipbıin kırıllıtsadan latyn grafıkasyna kóshirý týraly» Jarlyǵyn iske asyrý boıynsha Mınıstrlik birqatar jumystar atqarýda. Atap aıtqanda, Memleket basshysynyń atalǵan Jarlyǵy negizinde Qazaq álipbıin latyn grafıkasyna kóshirý jónindegi ulttyq komıssııa jáne onyń janyndaǵy jumys toptarynyń josparlary bekitildi. Osy baǵytta birqatar sharalar qolǵa alyndy», - dep toqtaldy A. Muhamedıuly.
Mınıstrlik qazirgi kezeńde jańa álipbıge kóshý barysynda atqarylyp jatqan jumystardy baıandaý, túsindirý, ádistemelik kómekter kórsetý maqsatynda tıisti ǵylymı sharalar júrgizdi. Oǵan Ulttyq komıssııa jáne jumys toptary músheleri, Parlament depýtattary,elimizdiń jetekshi lıngvıst ǵalymdary qatysty.
«Jańa álipbıdiń emle erejeleri keń túrde talqylanyp, onyń tujyrymdamasy maquldandy. Osy tujyrymdamanyń negizinde kópshilik qoldanysyna enetin emle erejeler taıaý ýaqytta daıyn bolady. Bul baǵytta mınıstrlik janynan Shaısultan Shaıahmetov atyndaǵy «Til-Qazyna» ulttyq-ǵylymı tájirbıelik ortalyǵy quryldy. Ortalyqtyń qyzmet aıasy keńeıip, qazaq tili álipbıin latyn grafıkasyna 2025 jylǵa deıin kezeń-kezeńmen kóshirý jónindegi is-sharalar josparyna sáıkes jańa mindetter júkteldi», - dedi mınıstr.
Bul rette ınnovatsııalyq IT tehnologııalardy qoldana otyryp, balalar men eresekterge arnalǵan onlaın-qosymshalar, elektrondyq nusqadaǵy oqý kýrstaryn ázirleý; latyn grafıkasyna mátindik qaıta kodtaýshyǵa arnalǵan konverter baǵdarlamasyn jáne IT qosymshasyn ázirleý; qazaq álipbıin latyn grafıkasyna aýystyrýdyń negizgi aspektileri týraly azamattardy aqparattandyrý deńgeıin anyqtaý boıynsha áleýmettanýshylyq zertteýler júrgizý; qazaq álipbıin latyn grafıkasyna kóshirý boıynsha túsindirý jumystaryn júrgizý úshin beıne bloktar ázirleý eskerilgen.
Sonymen birge, A. Muhamedıuly ortalyqtyń ǵylymı áleýeti artyp kele jatqanyn atap ótti. Búgingi tańda munda ǵalymdar men bilikti mamandar tartyldy. Qazir Ulttyq ǵylym akademııasynyń akademıgi, 2 ǵylym doktory, 6 ǵylym kandıdaty jumys jasaýda.
