Jambyldan Almatyǵa iri kólemde esirtki tasymaldaǵan top ustaldy
Polıtsııa qyzmetkerleri arnaıy is-sharanyń nátıjesinde Jambyl oblysynan Almatyǵa esirtki tasymaldaıtyn arnany japty.
«Shilde aıynda 32 jastaǵy G.esimdi azamat kannabınoıdty tobyndaǵy esirtkimen ustaldy. Ruqsat etilgen arnaıy is-sharalar barysynda ustalǵan adam 56 jastaǵy Z.esimdi azamattan esirtkini qaıta satý úshin satyp alǵany anyqtaldy.Tergeý barysynda belgili bolǵandaı, iri kólemdegi marıhýana esirtkisin Jambyl oblysynan ákelip otyrǵan», – dedi Almaty qalalyq PD Esirtki qylmysyna qarsy kúres basqarmasynyń bastyǵy Erlan Álmaǵambetov.
Kúdiktiniń kóligin polıtseıler qalaǵa kireberiste bógep tastaǵan. Jeke tintý barysynda «marıhýana» jáne «shıshka» tuqymy tabylyp, tárkilendi.
«Esirtki jetkizýshilerdi joıý boıynsha arnaıy is-shara Jambyl oblysynda ótti. Basyp alý toby paıda bolǵan kezde úı ıeleri esikterin qulyptap, zattaı aıǵaqty dárethanaǵa aǵyzyp, joıýǵa árekettengen. Biraq olarynan túk shyqpady. Ruqsat etilgen tintý kezinde jasyrylǵan marıhýana tuqymy, untaq túrindegi esirtki zaty bar kapsýlalar jáne 160 dana tegis uńǵyly sholaq myltyǵynyń oqtary, 60 qoldan jasalǵan patron, birneshe qoldan jasalǵan ańshylyq pyshaq tabyldy jáne tárkilendi. Sondaı-aq, erekshe ıisi bar metall ydystary da tárkilendi. Úıdiń aýlasynan 18 gúl qumarasymen esirtki ósiriletin jylyjaı anyqtaldy, – dedi polıtsııa ókili.
Esirtki zatyn satý maqsatynda asa iri kólemde saqtaý faktisi boıynsha qylmystyq is tergelip jatyr.
